Qaraqalpaqstan medicina institutında mámleket qáwipsizligi hám huqıqbuzarlıqlardıń aldın alıwǵa qaratılǵan ruwxıy-aǵartıwshılıq ilaj shólkemlestirildi
24.04.2025 Поделиться
2025-jılı respublika máhállelerinde qáwipsiz ortalıqtı jaratıw hám huqıqbuzarlıqlardıń aldın alıw sistemasınıń nátiyjeliligin arttırıwǵa qaratılǵan Ózbekstan Respublikası Prezidenti qararınıń orınlanıwın támiyinlew maqsetinde, Qaraqalpaqstan medicina institutında arnawlı ruwxıy-aǵartıwshılıq ilajı bolıp ótti.
Ilajdı Jaslar menen islesiw, ruwxıylıq hám aǵartıwshılıq isleri boyınsha birinshi prorektor Z.Aleuov alıp bardı. Ol óz sózinde qarardıń áhmiyeti, mámleketimizdegi huqıqıy mádeniyattı arttırıw hám jaslar arasında jınayatshılıqtıń aldın alıwda alıp barılıp atırǵan reformalarǵa toqtap ótti.
Ilajda:
- Institut rektorı másláhátshisi A.Allaniyazov,
- Jınayat isleri boyınsha Nókis rayonı sudı tergew sudyası G.Utepbergenova,
- Institut profilaktika inspektorı T.Qarlıbaeva,
- Rektordıń hayal-qızlar máseleleri boyınsha másláhátshisi Z.Erimbetovalar qatnastı.
Bayanatshılar tárepinen jaslar arasında huqıqbuzarlıqlardıń aldın alıw, huqıqıy tárbiyanı kúsheytiw, profilaktikalıq jumıslardıń nátiyjeliligin arttırıw, sonday-aq, aymaqlarda “Qáwipsiz máhálle” principin engiziw boyınsha ámelge asırılıp atırǵan jumıslar haqqında hár tárepleme maǵlıwmat berildi.
Ilaj qatnasıwshılarına ámeldegi nızamlar, huqıqbuzarlıqlardıń unamsız aqıbetleri hám hár bir puqaranıń jámiyet qáwipsizligin támiyinlewde belsene qatnasıwı áhmiyetli ekenligi atap ótildi.
Sonday-aq, ushırasıw dawamında student-jaslar ózlerin qızıqtırǵan huqıqıy hám sociallıq temalardaǵı sorawlarına qánigelerden tolıq juwaplar aldı. Bul bolsa olardıń huqıqıy bilimin arttırıwda hám belsendi puqaralıq poziciyasın qáliplestiriwde áhmiyetli qádem boldı.
