8-mart – Xalıqaralıq hayal-qızlar kúni múnásibeti menen institutta jumıs isleytuǵın hayal-qızlarǵa bayram sawǵaları tapsırıldı hám koncert baǵdarlaması qoyıp berildi
07.03.2025 Поделиться🌸Búgin, 7-mart kúni Qaraqalpaqstan medicina institutında 8-mart – Xalıqaralıq hayal-qızlar kúni múnásibeti menen institutta miynet etip atırǵan barlıq hayal-qızlarǵa húrmet kórsetilip, olarǵa bayram sawǵaları tapsırıldı. Bul ilaj Institut jámááti tárepinen shólkemlestirilip, onda institut prorektorları hám bólim baslıqlarınan tartıp barlıq xızmetkerler qatnastı.
8️⃣ Ilajda instituttıń rektorı w.w.a O.Xalimov sózge shıǵıp, barlıq hayal-qızlardı usı bayram menen qızǵın qutlıqladı. Rektor hayal-qızlardı qollap-quwatlaw, olarǵa múnásip sharayat jaratıw institut basshılıǵınıń turaqlı itibarında ekenligin, keleshekte hayal-qızlardıń kásiplik hám ilimiy jumısın qollap-quwatlawǵa, olarǵa jáne de keń imkaniyatlar jaratıwǵa itibar qaratatuǵının atap ótti.
🌹 Sonday-aq, institutta jumıs alıp barıp atırǵan hayal-qızlarǵa estelik sawǵaları hám gúller tapsırıldı. Sońınan erler tárepinen tayarlanǵan koncert baǵdarlaması názerine usınıldı. Ilaj dawamında jası úlken ustazlar shıǵıp sóylep, institut basshıları hám jámáátine bunday itibar hám ǵamqorlıq ushın óz minnetdarshılıǵın bildirdi.
Bul bayram ilajı institut jámáátiniń hayal-qızlarǵa bolǵan joqarı húrmet-izzetiniń jáne bir ayqın kórinisi boldı.









