“Andijon-2025” I Xalıqaralıq olimpiadası juwmaqlandı
10.04.2025 ПоделитьсяAndijan walayatında 9-aprel kúni medicina joqarı oqıw orınlarınıń studentleri arasında “Andijon-2025” I Xalıqaralıq olimpiadası bolıp ótti.
Olimpiadada Shet elden hám Respublikamızdaǵı Joqarı medicina oqıw orınlarınıń saylandı komandaları qatnastı.
Olimpiadanıń tiykarǵı maqseti studentlerdi bilimlendiriw hám ilim integraciyasına tartıw arqalı jámiyetimizde medicina iliminiń rawajlanıwın támiyinlewdi maqset etiw menen birge studentlerdiń bilimleri hám kónlikpelerin sınawdan ótkeriw.
Xalıqaralıq olimpiada da Qaraqalpaqstan medicina institutınıń studentleri Isakova Itiborxan hám Fayzullaeva Eleonoralar 3-orınlardı iyeledi.
Nurullaeva Nargiza Grandmaster of pathogenesis (Patogenezdiń ullı ustası), Xudaynazarov Jorabek Surgeons Golden Hands (Xirurglardıń altın qolları) hám Xakimov Zuxrobiddin Golden Hands (Altın qollar) nominaciyaları boyınsha arnawlı diplom penen sıylıqlandı.
Jeńimpazlarımızdı Institut jámááti atınan qızǵın qutlıqlaymız!
