Jańalıqlar

“Búgingi hám erteńgi kúndegi ekologiyalıq máseleler” atamasında úgit-násiyat ushırasıwı ótkerildi

05.12.2025

👁 2 marta ko‘rilgan

4-dekabr kúni Qaraqalpaqstan medicina institutı rektorınıń hayal-qızlar máseleleri boyınsha másláhátshisi Z. Erimbetova hámde fakultettiń hayal-qızlar máseleleri boyınsha dekan másláhátshisi N.Jienbaevalar QMU janındaǵı 1-sanlı akademiyalıq liceyde úgit-násiyat ushırasıwın ótkerdi.

Ushırasıwda “Búgingi hám erteńgi kúndegi ekologiyalıq máseleler” temasında qorshaǵan ortalıqtı qorǵaw, ekologiyalıq qáwipsizliktiń áhmiyetliligi hám jaslardıń bul processtegi juwapkershiligi keńnen sáwlelendirildi. Ekologiyalıq mádeniyattı arttırıw, tábiyatqa sanalı múnásibetti qáliplestiriw, Aralboyı aymaǵında bolıp atırǵan ekologiyalıq processler haqqında tolıq túsinikler berildi.

Sonday-aq, medicina institutı tárepinen ekologiyalıq salamatlıq, Aralboyı xalqınıń salamatlıǵına tásir kórsetiwshi faktorlar hám olardı saplastırıw boyınsha maǵlıwmatlar da jetkerildi.

Ushırasıw jaslar ushın tek ǵana aǵartıwshılıq emes, al ekologiyalıq juwapkershilikti arttırıwǵa qaratılǵan áhmiyetli pikirlesiw maydanına aylandı.

PHP Code Snippets Powered By : XYZScripts.com