Bas buxgalter

Utepbergenova Gulayim Dosbergenovna

BÓLIM HÁM ONIŃ ISKERLIGI HAQQINDA MAǴLIWMAT

  Qaraqalpaqstan medicina institutı buxgalteriya bólimi óz iskerligin Ózbekstan Respublikası nızamları, Ózbekstan Respublikası Prezidentiniń párman hám qararları, ministrler Mákemesiniń qararları, Ózbekstan Respublikası Joqarı hám orta arnawlı bilimlendiriw Ministirligi Komissiya qararları hám de buyrıqları, institut Keńesi qararları hám rektor buyrıqları, institut Ustavı hám buxgalteriya bólimi Nızamı tiykarında júrgizedi.

  Bólimniń maqseti instituttıń nátiyjeli iskerlik kórsetiwi hám joqarı reyting kórsetkishlerine jetiwi ushın zárúr finanslıq shárt-sharayat jaratıw hám de institut materiallıq-texnikalıqa bazasın kúsheytiw maqsetinde byudjet hám byudjetten tısqarı aqshalar tushumidan aqılǵa say hám nátiyjeli paydalanilishini támiyinlew, ǵárejetlerdi finanslıq támiynlewde tastıyıqlanǵan joba (smeta) hám limitlar sheńberinden shıqpawǵa erisiw, instituttıń ámeldegi hám keleshektegi ekonomikalıq jaǵdayın jáne de jaqsılaw turalı usınıslar islep shıǵıwdan ibarat.

BUXGALTERIYA BÓLIMI XIZMETKERLERINIŃ QURAMI

  Buxgalteriya bóliminiń shtat birlikleri quramı tómendegishe bólistiriledi:

1. Bas esapshı instituttıń strukturalıq strukturasına muwapıq bas esapshı tikkeley institut rektorı hám finanslıq-ekonomikalıq jumıslar boyınsha prorektorga boysınadı, buxgalteriya esabın júrgiziw, esabatlardı dúziw hám usınıw máseleleri boyınsha bolsa, Ózbekstan Respublikası Joqarı hám orta arnawlı bilimlendiriw Ministirliginiń bas esapshısına da boysınadı hám de shólkemde buxgalteriya esabın júritiliwine, finanslıq esabatlardı waqıtında hám tolıq tapsırılıwına hám de normativlik-huqıqıy hújjetlerde belgilengen wazıypalardı orınlanıwına juwapker boladı.
2. Bas esapshı orınbasarı yuridikalıq hám fizikalıq shahslar menen xizmet kórsetiw hám de satıp alınǵan zatlardı ámelge asırıw turalı orınlanǵan jumıslar esabın júrgizedi.
3. Jumıs haqın esaplaw bólim – xızmetkerlerge tabel tiykarında miynet haqı esaplaw, olarǵa bank arqalı plastik kartochka ashıw, jeke jamǵarıp barılatuǵın pensiya badallari ótkeriliwin támiyinleydi.
4. Stipendiya bólimi – studentlerge stipendiya belgilew boyınsha buyrıq tiykarında stipendiya esaplaw hám tólewdi shólkemlestiredi.
5. Materiallıq baylıqlar bólim – institut bazası, materiallıq juwapker shaxslar moynındaǵı tavar -materiallıq baylıqlar tabıs -shıǵımı esabın júrgizedi, tavar -materiallıq baylıqlardı esaptan shıǵarıwda qatnasadı.
6. Gáznaxana – miynet haqı hám oǵan teńlestirilgen tólewlerge alınǵan naq pul tarqatılıwın ámelge asıradı.

BUXGALTERIYA BÓLIMI XIZMETKERLERINIŃ WAZIYPALARI

  Bas esapshınıń tiykarǵı wazıypaları:

• Buxgalteriya esabın normativlik-huqıqıy hújjetlerge ámel ete otırıp júrgizedi, sonıń menen birge, esap jumısların zamanagóy texnikalıq qurallar hám informaciya texnologiyalarınan paydalanǵan halda shólkemlestiredi;
• buxgalteriya hújjetlerin waqıtında hám tuwrı rásmiylestiriliwin hám de ámelge asırılıp atırǵan operatsiyalardıń nızamlılıǵın qadaǵalaydı;
• byudjet qarjların, sonıń menen birge, byudjetten tısqarı aqshalardı ǵárejetler smetasında názerde tutılǵan arnawlı bir maqsetlerge tuwrı sarıplanıwı, sonıń menen birge, pul qarjları hám materiallıq qımbatlıqlardıń pútinligi ústinen úzliksiz qadaǵaydı;
• shólkemde xizmetkerlerdiń jumıs haqıların hám oǵan teńlestirilgen tólewlerin, sonıń menen birge, tálim mákemelerinde studentlerdiń stipendiyaların belgilengen tártipte hám de waqıtında esaplap shıǵilıwın shólkemlestiredi;
• smeta atqarıwı processinde payda bolatuǵın yuridikalıq hám fizikalıq shaxslar menen alıp barılatuǵın esap – kitaplardı waqıtında ámelge asıradı;
• pul qarjları, esap – kitaplar hám materiallıq qımbatlıqlar, sonıń menen birge, basqa aktivlerdi hám minnetlemelerdi inventarizatsiya qılıwda qatnasadı, inventarizatsiya nátiyjelerin waqıtında hám tuwrı rásmiylestiredi hám de olardı buxgalteriya esabında sáwlelendiredi;
• materiallıq juwapker shaxslarǵa olardıń juwapkerliginde turǵan materiallıq qımbatlıqlardıń pútinligin saqlaw hám esabın alıp barıw tuwralı túsindiriw jumısları ótkeriliwin shólkemlestiredi;
• materiallıq qımbatlıqlardı alıw ushın berilgen isenim xatlardı esabın júritiliwinı hám olardan tuwrı paydalanılıwın qadaǵalaydı;
• finanslıq esabatlardı belgilengen múddetlerde dúzedi hám tapsıradı;
• tiykarǵı qurallar hám de taǵı basqa materiallıq qımbatlıqlardı olardıń saqlanıw hám paydalanıw jaylarında pútinligi úzliksiz qadaǵalanıwın támiyinleydi;
• buxgalteriya hújjetlerin, esap registrların saqlaydı;
• lawazımlı shaxslar tárepinen nızamǵa qarsı háreketler qılınıp atırǵanı málim bolıp qalǵan jaǵdaylarda, tiyisli ilaj kóriw ushın bul haqqında institut rektorına jazba informaciya beredi;
• bas esapshı buxgalteriya bólimi xızmetkerleri ushın xızmet wazıypaların hár bir xızmetker ushın bólek belgileydi;
• nızamshılıqta názerde tutılǵan basqa wazıypalardı orınlanıwın támiyinleydi.

  Bas esapshı orınbasarı (A. Jumabekov) nıń tiykarǵı wazıypaları:

• Instituttıń shtat kesteine muwapıq bas esapshına boysınadı;
• yuridikalıq hám fizikalıq shaxslar menen xizmet kórsetiw hám de satıp alınǵan zatlardı ámelge asırıw turalı orınlanǵan jumıslar esabın júrgizedi;
• tavar – materiallıq baylıqlar háreketi hám esaptan shıǵarılıwın qadaǵalaydı hám de rásmiylestiredi;
• tavarshunosga isenim xatı beredi jáne onıń qadaǵalawın júrgizedi;
• esap – fakturalar boyınsha orınlanǵan islerdiń esabın júrgizedi hám salıstırma aktlar dúzedi;
• tavar – materiallıq baylıqlardı normadan artıqsha bolıwın aldın aladı hám materiallıq juwapker shaxslar moynındaǵı materiallıq baylıqlardı tekserip turadı;
• dúzilgen xojalıq shártnamaları esabın júrgizedi;
• byudjet, pensiya fondı hám ilimiy joybarlardı orınlaw ushın mámleket byudjetinen ajıratılǵan aqshalar sarıplanıwınıń háreketin júrgizedi;
• tavar – materiallıq baylıqlar boyınsha aylıq hám shereklik esabatlardı dúzedi;
• hár ayda hár bir schyotlar boyınsha jazıwlardı bas kitapǵa belgileyi;
• instituttıń shereklik hám jıllıq esabatları ushın jıynama esabatlardı tayarlaydı;
• bas esapshı tárepinen berilgen tapsırmalardı atqaradı.

  1-taypalı esapshınıń tiykarǵı wazıypaları:

• Xızmetkerler hám professor – oqıtıwshılar quramı tuwralı shıǵarılǵan buyrıqlardı programmaǵa kiritedi;
• tabel tiykarında xızmetkerlerge miynet haqı esaplanıwın támiyinleydi;
• plastik kartochkalarǵa arzalardı qabıl etedi hám bankke jetkeredi;
• jıl tawsılǵannan keyin salıq inspeksiyasiga hár bir orındoshlik tiykarında islegen xızmetkerlerge esaplanǵan miynet haqı tuwrısında maǵlıwmattı usınıs etedi;
• xızmetkerlerdiń arzalarına tiykarlanıp miynet haqınan uslanbaların ámelge asıradı;
• xızmetkerlerdiń hár aylıq esaplanǵan miynet haqınan plastik kartochkalarǵa ótkeriliwi kerek bolǵan summalarǵa reestr dúzedi hám bankke usınıs etedi;
• jeke jamg’arib barılatuǵın pensiya badali reestrini dúzedi hám Xalıq bankine usınıs etedi;
• isleytuǵın pensionerlarga hár ayda pensiya tapsırmanaması tiykarında sorawnamanı qáliplestiredi hám Finans ministrliginiń byudjetten tısqarı pensiya fondı filialına usınıs etedi;
• bas esapshı hám bas esapshı orınbasarı tárepinen berilgen tapsırmalardı atqaradı.

BÓLIM XIZMETKERLERI

Jumabekov Azizbek – Bas buxgalter orınbasarı

Nuratdinova Gulnaz – Buxgalter

Aytmuratova Peruza – Buxgalter