«Ilimli hayal – jámiyet aynası» atamasında ushırasıw boldı
03.02.2025 Поделиться
Qaraqalpaqstan medicina institutında 11-fevral – Xalıqaralıq ilim tarawındaǵı hayal-qızlar kúni múnásibeti menen ushırasıw shólkemlestirildi.
Ushırasıwda institut rektorınıń hayal-qızlar máseleleri boyınsha másláhátshisi Z.Erimbetova Ózbekstan Qaharmanı O.Saytova, medicina ilimleri doktorı (DSc) A.Ermekbayeva hám medicina ilimler kandidatları S.Bazarova hám F.Xojambergenovalar studentlerge ilim jolındaǵı tájiriybeleri menen bólisti.
Ushırasıwda O.Saytova óziniń miynet jolı, ilim tarawında erisken jetiskenlikleri hám qolǵa kirgizgen tabısları haqqında keń túrde aytıp berdi. Búgingi kúnde Húrmetli Prezidentimizdiń jaratıp bergen imkaniyalarınan únemli paydalanıp keleshekte aq xalatqa jarasıqlı jetik kadrlar bolıp jetilisiwine shaqırdı.
Ilaj dawamında student qızlar ózlerin qızıqtırǵan sorawlarına ilimpaz ustazlarınan juwaplar aldı.
