Ilimnen ámeliyatqa – studentlerge zamanagóy laboratoriya sabaqları!
07.08.2025 ПоделитьсяQaraqalpaqstan medicina institutında “Áhmiyetli 90 kún” baǵdarlaması sheńberinde jaslarda ilimge bolǵan qızıǵıwshılıqtı bunnan bılay da arttırıw, teoriyalıq bilimlerdi ámeliy kónlikpeler menen bekkemlew maqsetinde bir qatar ilajlar shólkemlestirilmekte.
🧪 Atap aytqanda, Medicinalıq ximiya kafedrası tárepinen Farmaciya baǵdarı studentleriniń qatnasıwında “Titrlewdiń shóktiriw usılları. Argentometriya. Standart NaCl hám titrant AgNO₃, NH₄NCS eritpelerin tayarlaw, standartlaw. Qadaǵalaw eritpesindegi KBr massasın Folgard usılı menen anıqlaw” atamasında ashıq laboratoriyalıq jumıs ótkerildi.
👨🔬 Ámeliyat barısında studentler ximiyalıq analiz texnikasın ámeliy tárizde sınap kórdi, zamanagóy laboratoriya úskenelerinen paydalanǵan halda kerekli reaktivler hám eritpelerdi tayarlaw, standartlastırıw usılların ózlestirdi.
📚 Bunday ámeliy sabaqlar medicina tarawında maman hám tájiriybeli kadrlar tayarlawda sheksiz áhmiyetke iye. Ásirese, teoriyalıq bilimlerdi real tájiriybe tiykarında bekkemlew studentlerdiń ilimiy pikirlewi hám óz betinshe islew kónlikpesin qáliplestiriwde áhmiyetli rol oynaydı.
📌 QMIda ilim hám ámeliyat úylesimi – keleshek medicinasınıń tiykarı





