Jańalıqlar

Insan qádiri – eń joqarı qádiriyat!

27.12.2025

👁 4 marta ko‘rilgan

Jańa jıl aldınan Qaraqalpaqstan medicina institutı klinikasında emlenip atırǵan balalar ushın jáne bir quwanıshlı, shın kewilden hám umıtılmas máwritler jaratıldı. Institut rektorı Olimbay Xalimov balalardı jeke ózi barıp kórip, hár bir balaǵa óz qolları menen bayram sawǵaların tapsırdı.

Ushırasıwda balalardıń emleniw procesi, olar ushın jaratılǵan zamanagóy sharayatlar hám medicinalıq xızmet sapası jaqınnan úyrenildi. Rektor balalardıń ata-anaları menen ashıq hám qızǵın sóylesip, klinikadaǵı ortalıq, emlew usılları hám shıpakerlerdiń itibarı haqqındaǵı qanaatlanıwshılıq pikirlerin tıńladı.

Balalardıń kózindegi quwanısh, ata-analardıń qálbindegi isenim – bul insan qádirin ulıǵlawǵa qaratılǵan mámleketlik siyasattıń turmıstaǵı ayqın kórinisi bolıp tabıladı. Bul bolsa bárshemizdi jáne de juwapkershilikli, miyrimli hám awızbirshilikli bolıwǵa shaqıradı.

🎁 Jańa jıl hár bir shańaraqqa salamatlıq, úmit hám baxıt alıp kelsin!

PHP Code Snippets Powered By : XYZScripts.com