Jańa oqıw jılına mazmunlı start!
08.09.2025 Поделиться
Joqarı bilimlendiriw, ilim hám innovaciyalar ministrliginiń tiyisli buyrıǵına tiykarlanıp:
🔹 1-basqısh studentleri ushın sabaqlar – 2025-jıl 3-sentyabrden,
🔹 2- hám onnan joqarı basqıshlar ushın bolsa – 8-sentyabrden baslandı.
Usı múnásibet penen Qaraqalpaqstan medicina institutında jańa oqıw jılın baslaǵan joqarı basqısh studentleri ushın “Ǵárezsizlik sabaqları – Watan, millet hám xalıq ushın!” súreni astında sabaqlar úlken auditoriyalarda shólkemlestirildi.
📚 Bul sabaqlar tek ǵana bilim deregi emes, bálkim joqarı qádiriyat hám mánawiyat sabaqları bolıp, studentlerde:
✨ Watanga sadıqlıq,
✨ Xalıqshıllıq,
✨ Keleshekke isenim sezimlerin bekkemlewge xızmet etpekte.
Ǵárezsizliktiń 34 jıllıǵı múnásibeti menen ótkerilip atırǵan bul sabaqlar jaslar qálbinde milliy maqtanıshtı jáne de joqarılatıp, olardı keleshekte elimizdiń rawajlanıwı ushın pidayı, juwapkershilikli hám jetik qánige bolıp jetilisiwine bekkem tiykar jaratpaqta.
