Jaslar sanasında sergeklikti bekkemlew
26.01.2026 Поделиться
Búgin Qaraqalpaqstan medicina institutında jaslar sanasında salamat dúnyaqarastı qáliplestiriw, olardı diniy ekstremizm hám terrorizm qáwip-qáterlerinen xabardar etiw maqsetinde “Diniy ekstremizm hám terrorizmge qarsı gúres” atamasında úgit-násiyat ilajı ótkerildi.
Ilajda Qaraqalpaqstan Respublikası IIM Terrorizmge qarsı gúresiw basqarması qánigeleri To‘reshov Nurdawlet, Quwandikov Fayz hám Instituttıń ruwxıylıq bólimi baslıǵı Ajiev Adil qatnasıp, student-jaslar menen ashıq pikirlesti.
Ushırasıw dawamında diniy ekstremizm hám terrorizmniń jámiyet turaqlılıǵına unamsız tásiri, radikallasıwdıń kelip shıǵıw sebepleri, sonday-aq, missionerlik hám prozelitizmniń qáwipli aqıbetleri hár tárepleme túsindirildi.
Sonıń menen birge, tınıshlıq hám tatıwlıqtıń biybaha jemis ekeni, shúkirshilik sezimin bekkemlew, sociallıq tarmaqlar arqalı tarqalıp atırǵan nadurıs ideya hám aqıydalardan sergek bolıw máselelerine ayrıqsha itibar qaratıldı.
Tema sheńberinde real turmıslıq waqıyalar tiykarında tayarlanǵan videorolikler kórsetilip, studentlerdiń pikir-usınısları tıńlandı. Ilaj jaslardıń sanasında sergeklik, juwapkershilik hám watansúyiwshilik sezimlerin bekkemlewge xızmet etti.