Jańalıqlar

“Jawızlıqqa qarsı aǵartıwshılıq” – aǵartıwshılıq penen rawajlanıwǵa qádem

08.05.2025

👁 2 marta ko‘rilgan

2025-jıl 8-may kúni Qaraqalpaqstan medicina institutında student-qızlar qatnasıwında “Jawızlıqqa qarsı aǵartıwshılıq” atamasında ruwxıy-aǵartıwshılıq sáwbet bolıp ótti.

Ilajda Ózbekstan Respublikası Din isleri boyınsha komiteti Qaraqalpaqstan Respublikası aymaqlıq basqarması bas qánigesi X.Ibrayımova hám fakultettiń belsendi student-qızları qatnastı.

Ushırasıw dawamında qatnasıwshılarǵa jawızlıq hám unamsız aǵımlarǵa qarsı tek ǵana ilim, aǵartıwshılıq hám sanalı qatnas jasaw arqalı gúresiw múmkin ekenligi atap ótildi. Jaslardıń bilimli, pikirleytuǵın hám iymanlı bolıp ósiwi – jámyiet turaqlılıǵınıń tiykarǵı kepili ekeni ayrıqsha atap ótildi.

Ilajdıń tiykarǵı maqseti – jaslardı ilim alıwǵa shaqırıw, zıyanlı ideyalar hám illetlerden saqlaw, bilim hám aǵartıwshılıq arqalı nurlı keleshekke baǵdarlaw bolıp esaplanadı.

Bul ilaj Ózbekstan Respublikası Prezidentiniń 2021-jıl 7-iyuldegi PQ-5150-sanlı qararında belgilengen wazıypalardıń orınlanıwına únles tárizde shólkemlestirildi. Bul qararda jaslar arasında ideologiyalıq immunitetti qáliplestiriw, olardı hár qıylı buzǵınshı ideyalardan qorǵaw hám olardıń ruwxıy-aǵartıwshılıq dárejesin arttırıw boyınsha ilajlar belgilep berilgen.

PHP Code Snippets Powered By : XYZScripts.com