Joqarǵı Keńesi deputatı, Senator Oral Ataniyazova ózi saylanǵan aymaq saylawshıları menen ushırastı
29.11.2024 Поделиться
28-noyabr kúni senator Oral Ataniyazova Qanlıkól rayonı xalıq deputatları rayonlıq Keńesiniń ekinshi sessiyasına qatnastı. Sessiyada senator sózge shıǵıp usı jıldıń 18-20-noyabr kúnleri Oliy Majlis deputatları hám senatorlar Prezident penen ushırasıwı ótkenligin hám ushırasıwdıń áhmiyeti, isleniwi tiyis bolǵan ilajlarǵa keń túrde toqtaldı.
Atap aytqanda, Senatorlar hám jergilikli deputatlar menen birgelikte islesiwdi kúsheyttiriw kerek ekenligine toqtap ótti. Sonday-aq, senatorlar Jańalanǵan Konstituciyaǵa muwapıq, senatorlıq qadaǵalaw ilajlarında yamasa saylawshılar menen ushırasıwlarda nızamlarda anıqlanǵan mashqalalardı sheshiw boyınsha anıq wákillikke iye ekenligin bul baǵdarda Senatqa nızamshılıq usınısın kirgiziw huqıqı berilgenligin keń túrde túsindirdi.
Sessiyadan soń Senator O.Ataniyazova rayonnıń Beskópir MPJ turǵınları menen ushırasıp, olardı qıynap kiyatırǵan taza ishimlik suw hám aqaba suwdıń az ekenligi nátiyjede bolsa, jaslarǵa ajıratılǵan jer orınlarınıń salıq qarızdarlıǵı payda bolǵanlıǵın, jumıssızlıq, MPJda bala baqshası joq ekenligi hám basqada qıynap kiyatırǵan máseleler menen tanıstı.
Senator, kóterilgen máselelerdi tıńlap, xalıqtıń turmısın jaqsılawda óziniń pikirlerin bildirdi. Ol is-rejesine kiritip mashqalalardıń sheshimin tabıwda anıq mexanizm islep shıǵatuǵınlıǵın atap ótti.
