Jańalıqlar

KÁRXANASHÍLÍQQA DÁSLEPKI QÁDEM: JASLAR USHÍN JAŃA IMKANIYATLAR

05.11.2026

👁 10 marta ko‘rilgan

Qaraqalpaqstan medicina institutında student-jaslardıń kárxanashılıqqa bolǵan qızıǵıwshılıǵın qollap-quwatlaw, olardıń finanslıq sawatlılıǵın bekkemlew hám biznes baslamaların ámelge asırıw imkaniyatları menen tanıstırıw maqsetinde ashıq sáwbet shólkemlestirildi.

Oǵan Ózbekstan Respublikası Sırtqı ekonomikalıq iskerlik Milliy banki AJ Qaraqalpaqstan Respublikası Bas basqarması ámeliyat baslıǵınıń orınbasarı S. Eshmuratov, Ózmilliybanktiń «Keleshekke qádem» orayı menejeri K. Sharipova, «Kishi biznesge kómeklesiw» orayı qánigesi N. Atamuratova, institut tyutorları hám studentler qatnastı.

Ashıq sáwbet dawamında student-jaslarǵa ózin-ózi jumıs penen támiyinlew, kárxanashılıq iskerligin jolǵa qoyıw, atap aytqanda, hayal-qızlar kárxanashılıǵın rawajlandırıw hám olardıń biznes baslamaların qollap-quwatlawǵa qaratılǵan bank imkaniyatları haqqında tolıq maǵlıwmat berildi.

PHP Code Snippets Powered By : XYZScripts.com