MÁMLEKETLIK ATTESTACIYA – JAŃA BASQÍShQA QÁDEM!
21.06.2025 Поделиться📅 2025-jıl 21-iyun kúni Qaraqalpaqstan medicina institutında áhmiyetli sáne – Pediatriya baǵdarı pitkeriwshi kurs studentleriniń Juwmaqlawshı mámleketlik attestaciyası bolıp ótti.
Bul attestaciya procesi institut turmısında ózine tán burılıs noqatı bolıp, studentlerdiń jıllar dawamında arttırǵan bilim hám kónlikpeleri sınaqtan ótkerildi.
🔹 Ilajdı institut rektorı, Olimboy Xalimov ashıp berdi. Ol pitkeriwshilerge tileklerin bildirer eken, medicina tarawında sapalı qánigeler tayarlaw – bul xalıqtıń salamatlıǵına qoyılǵan tırnaq ekenligin ayrıqsha atap ótti.
🔹 Attestaciyaǵa Tashkent pediatriya medicina institutınıń “Ambulatoriya medicinası” kafedrası baslıǵı, m.i.d., professor Elmira Shamansurova basshılıq etti.
📌 Pitkeriwshiler 17 stanciyadan ibarat juwmaqlawshı imtixannan ótti.
Hár bir stanciyada olarǵa:
• Klinik jaǵdaylardı analizlew,
• Diagnoz qoyıw,
• Emlew rejesin dúziw,
• Kásiplik tájiriybeni ámeliy kórsetiw imkaniyatı berildi.
🟢 Imtixanlardı tabıslı juwmaqlaǵan studentler:
✅ Shańaraqlıq shıpaker sıpatında erkin islew huqıqına iye boldı;
✅ Densawlıqtı saqlaw sistemasına óz úlesin qosıwǵa tayar bolǵan jetik qánigeler qatarın tolıqtırdı.
🎉 Ásirese quwanıshlısı – Pediatriya baǵdarınıń 57 pitkeriwshisi usı áhmiyetli basqıshtı múnásip tárizde juwmaqladı!




