“Mobil klinika” – xalıqtıń salamatlıǵı jolında!
11.07.2025 Поделиться📍 Jaqında, Qaraqalpaqstan medicina institutı klinikasınıń qánigeleri tárepinen Nókis rayonınıń “Aq terek” máhállesinde “Mobil klinika” joybarı sheńberinde kóshpeli qabıllaw shólkemlestirildi.
Joybar tiykarında Pediatriya, Gematolog, UZI qánigesi, Rentgen shıpakeri hám Laboratoriya tekseriwleri tiykarında shólkemlestirilgen brigada tárepinen 14 jasqa shekemgi balalar hám hámiledar hayallarda ushırasatuǵın tuwma nuqsanlı keselliklerdi erte anıqlaw maqsetinde tereńlestirilgen medicinalıq tekseriw ótkerildi.
Kóshpeli qabıllaw dawamında 200 ge shamalas puqaranıń medicinalıq múrájatları tıńlandı. Olardan 95 procenti xalıqtıń salamatlıǵı menen baylanıslı máselelerdi qamtıp aldı.
️”Mobil klinika”nıń tiykarǵı maqseti – júrek, awır qan kesellikleri hám ortopediyalıq mashqalalarǵa duwshar bolǵan balalardı anıqlaw, zárúrlikke bola biypul operaciya hám emleniw ushın jollamalar beriw bolıp esaplanadı.
Sonday-aq, iyul-avgust ayları dawamında Tashkent qalasınan kardioxirurgiyalıq qánigelerdi tartıw hám olar arqalı biypul operaciyalardı ámelge asırıw máselesi dodalandı.
🫀Salamat áwlad ushın hár bir qádem – áhmiyetli!
️📢 “Mobil klinika” baslaması arqalı elimiz xalqına sapalı, tez hám biypul medicinalıq xızmetlerdi usınıwdı dawam ettiremiz!



