Náshebentlik – keleshektiń zawalı
31.01.2025 Поделиться
Qaraqalpaqstan medicina institutında “Jaslar arasında náshebentlik zatlar hám psixotrop zatlar tarqalıwınıń aldın alıw” aylıǵı múnasibeti menen ushırasıw bolıp ótti.
Ushırasıwǵa instituttıń Jaslar máseleleri, ruwxıylıq hám aǵartıwshılıq isleri boyınsha birinshi prorektorı Z.Aleuov, ÓzR IIM Operativ qıdırıw departamenti jınayat qıdırıw xızmeti basqarması baslıǵı orınbasarı polkovnik A.Matlyubov, QR IIM Operativ qıdırıw departamenti jinayat qıdırıw xızmeti basqarma baslıǵı polkovnik D.Latipov hám juwaplı xızmetkerler, fakultet tyutorları hám student-jaslar qatnastı.
Ilajda Ishki isler ministrligi qánigeleri jaslar arasında psixotrop zatlardan paydalanıw jaǵdayları jıl sayın artıp atırǵanı, bunıń sociallıq hám fizikalıq aqıbetleri haqqında maǵlıwmat berip, kún tártibindegi másele boyınsha jaslar arasında tiyisli úgit-násiyat hám túsindiriw jumısların elede alıp barıw zárúrligin atap ótip bul baǵdarda tiyisli usınıslar bildirdi.
Psixotrop dárilik zatlar – bul oraylıq nerv sistemasına tásir etetuǵın, adamnıń sezimleri, pikirleri hám minez-qulqın ózgertetuǵın dárilik zatlar bolıp, olardıń keri tásiri adamnıń fizikalıq hám ruwxıy salamatlıǵına sezilerli dárejede zıyan keltiriwi múmkin. Medicina tarawı studentleri bul zatlardıń unamsız aqıbetleri hám olardıń sociallıq, densawlıqtı saqlaw hám psixologiyalıq tárepleri haqqında tereń bilimge iye bolıwı zárúr ekenligin atap ótti.
Ushırasıw dawamında jaslar tema boyınsha ózlerin qızıqtırǵan sorawlarına qánigelerden juwaplar aldı.
