Qaraqalpaqstan medicina institutında ayrıqsha jaǵdaylarǵa tayarlıq boyınsha arnawlı-taktikalıq oqıw shınıǵıwı ótkerildi
06.11.2025 ПоделитьсяQaraqalpaqstan Respublikası Ayrıqsha jaǵdaylar basqarması tárepinen institutta student hám xızmetkerlerdiń ayrıqsha jaǵdaylarda durıs háreket etiw kónlikpelerin bekkemlewge qaratılǵan arnawlı-taktikalıq oqıw shınıǵıwı ótkerildi.
🔹 Ilajda tyutorlar hám studentler qatnasıp, órt, texnogen avariya hám basqa ayrıqsha jaǵdaylar júz bergende qáwipsiz evakuaciya, durıs qarar qabıl etiw hám operativ háreketleniwdiń ámeliy táreplerin úyrendi.
🔹 Sabaq dawamında túrli jaǵdaylar modellestirildi, qatnasıwshılarǵa interaktiv usıllar arqalı ayrıqsha jaǵdaylarda ózin tutıw tártibi kórsetip berildi.
🔹 Sonday-aq, gúzgi-qısqı máwsimde júz beriwi múmkin bolǵan baxıcız hádiyseler hám avariyalardıń aldın alıw boyınsha profilaktikalıq kórsetpeler berildi.
️ 🚒 Ayrıqsha jaǵdaylar xızmeti qánigeleri arnawlı texnikalar, qutqarıw quralları hámde insan ómirin saqlap qalıwǵa qaratılǵan úskeneler menen ámeliy tanıstırıw ótkerdi.
Bul sabaq – institut studentleri hám xızmetkerleriniń qáwipsizlik mádeniyatın arttırıw, ayrıqsha jaǵdaylarda durıs hám isenimli háreket etiw kónlikpelerin qáliplestiriwde úlken áhmiyetke iye.





