Qaraqalpaqstan medicina institutında Ózbekstan Respublikası Konstituciyası qabıl etilgeniniń 32 jıllıǵına arnalǵan saltanatlı ilaj bolıp ótti
03.12.2024 Поделиться
8-dekabr – Ózbekstan Respublikası Konstituciyası qabıl etilgen kún. Bıyıl Bas nızamımızdıń qabıl etilgenine 32 jıl toladı. Qaraqalpaqstan medicina institutında usı sánege arnalǵan saltanatlı ilaj bolıp ótti.
Ilajdı institut rektorı O.Ataniyazova kiris sóz benen ashtı hám basqarıp bardı. Dáslep Ózbekstan hám Qaraqalpaqstan Respublikası Mámleketlik gimnleri jańladı.
Saltanatlı ilajǵa Qaraqalpaqstan Respublikası Joqarǵı Keńesiniń Byudjet, ekonomikalıq reformalar, investiciyalar hám innovaciya máseleleri komitetiniń baslıǵı B.Seytnazarov, Qaraqalpaqstan Respublikası Jinayat isleri boyınsha sudınıń sudiyası A.Ametov, Qaraqalpaqstan Respublikası Ishki isler ministriniń orınbasarı M.Raxmatullaev hám Institut prorektorları, fakultet dekanlar, professor-oqıtıwshılar hám studentler qatnastı.
Jańa redakciyadaǵı Konstituciya mámleketimizdiń jaqın hám uzaq keleshektegi turaqlı rawajlanıwı, xalqımız abadan turmısınıń bekkem huqıqıy tiykarı hám isenimli kepili bolıp esaplanadı. Bas nızamımızda sociallıq ádillik hám teńlik principleri engizilip, insan huqıqları menen erkinliklerin qorǵawdıń pútkilley jańa mexanizmlerin názerde tutatuǵın konstituciyalıq tiykarlar menen bekkemlengenligin atap ótti. Sonıń menen bir qatarda bıyılǵı jılı Qaraqalpaqstan jasların hár tárepleme qollap-quwatlaw maqsetinde qosımsha grant orınlarınıń ajratılǵanlıǵı Konstituciyada belgilengen normalardıń ámeldegi kórinisleri ekenligi atap ótildi.
