Qaraqalpaqstan medicina institutında “Rektor hám jaslar” ushırasıwı bolıp ótti
03.02.2026 Поделиться
Qaraqalpaqstan medicina institutında studentler menen ashıqtan-ashıq sóylesiwge baǵıshlanǵan “Rektor hám jaslar” ushırasıwı shólkemlestirildi. Ilajda institut basshıları, Ruwxıy-aǵartıwshılıq isler boyınsha juwapkerler, Korrupciyaǵa qarsı gúresiw bólimi xızmetkerleri hám belsendi student-jaslar qatnastı.
Ushırasıw dawamında Institut rektorı Olimbay Xalimov studentlerge tereń bilim alıw, kásiplik potencialın arttırıw hám keleshekte jetik qánige bolıp jetilisiw boyınsha áhmiyetli usınıslar berdi. Sonday-aq, studentlerdi qızıqtırǵan máseleler, ushırasıp atırǵan mashqalalar boyınsha ashıq hám qızǵın pikirlesiw ótkerildi.
Ilajda institutta jıl dawamında ámelge asırılǵan jumıslar, erisilgen jetiskenlikler ayrıqsha atap ótilip, juwapker bólimler tárepinen esabatlar tıńlandı. Bilimlendiriwdiń sapası, studentlerdiń bos waqtın mazmunlı shólkemlestiriw, salamat ortalıqtı qáliplestiriw hám korrupciyaǵa qarsı gúresiw baǵdarlarında alıp barılǵan jumıslar dodalandı.
Ushırasıw juwmaǵında jámiyetlik jumıslarda, ilim hám sport tarawlarında joqarı nátiyjelerge erisken xızmetkerler hám studentler saltanatlı túrde sıylıqlandı.
Sıylıqlanǵan xızmetker hám studentler dizimi
