Qaraqalpaqstan medicina institutında “Rektor hám jaslar” ushırasıwı bolıp ótti!

16.05.2025

👁 9 marta ko‘rilgan

“Sport aylıǵı” sheńberinde Qaraqalpaqstan medicina institutında student-jaslar ushın áhmiyetli hám ilhamlandırıwshı ushırasıw – “Rektor hám jaslar” ilajı shólkemlestirildi.

Ushırasıw dawamında mámleketimizde alıp barılıp atırǵan reformalar, joqarı bilimlendiriw sistemasındaǵı jańalıqlar, jaslar ushın jaratılıp atırǵan imkaniyatlar haqqında tolıq maǵlıwmatlar berildi. Studentler instituttaǵı bilimlendiriw hám tárbiya processleri, ilimiy izertlewler alıp barıw imkaniyatları, xalıqaralıq birge islesiw baylanısları, studentler almasıw baǵdarlamaları haqqında da tolıq túsinikke iye boldı.

Ushırasıwdıń jáne bir itibarlı tárepi – bul student-jaslardıń kreativ pikirlewi hám mobilografiyaǵa bolǵan qızıǵıwshılıǵın qollap-quwatlaw maqsetinde ótkerilgen videorolikler tańlawınıń nátiyjeleri boldı.

Ilaj sońında Jaslar máseleleri hám ruwxıy-aǵartıwshılıq isleri boyınsha birinshi prorektor Z.Alewov tańlaw jeńimpazların aqshalay sıylıqlar hám bahalı sawǵalar menen sıylıqladı.

Bunday ushırasıwlar studentlerge tek ǵana xoshamet emes, al úlken motivaciya baǵıshlap, olardıń turmısta belsendi, izleniwsheń hám maqsetke umtılıwshań bolıp qáliplesiwine xızmet etedi.

©️QMI baspasóz xızmeti.

▪️ 🕊Telegram📱Instagram📱Facebook📺YouTube

PHP Code Snippets Powered By : XYZScripts.com