Qaraqalpaqstan medicina institutında Xalıqaralıq insan huqıqları kúni múnásibeti menen seminar bolıp ótti
16.12.2025 Поделиться
10-dekabr – Insan huqıqları jer júzilik deklaraciyası qabıl etilgen sáne múnásibeti menen Qaraqalpaqstan medicina institutında Xalıqaralıq insan huqıqları kúnine baǵıshlanǵan seminar shólkemlestirildi. Ilajda instituttıń professor-oqıtıwshıları belsene qatnastı.
Seminar dawamında Insan huqıqları jer júzilik deklaraciyasınıń tariyxıy áhmiyeti, onda belgilengen tiykarǵı principler – insan qádiri hám abırayı, teńlik, erkinlik, ádillik hám tınıshlıq máseleleri hár tárepleme jarıtıldı. Sonday-aq, insan huqıqların qorǵawdıń házirgi kúndegi áhmiyetli baǵdarları, sonıń ishinde, gender teńligi, bilimlendiriw, miynet, densawlıqtı saqlaw, sanlı dáwirde jeke maǵlıwmatlardıń qáwipsizligi sıyaqlı máseleler dodalandı.
Tema boyınsha Ózbek tili, tiller hám jamiyetlik pánler kafedrası docenti T.Pirniyazova bayanat jasap, insan huqıqlarınıń qáliplesiw basqıshları, BMShtıń bul baǵdardaǵı roli, sonday-aq, Ózbekstanda insan huqıqların támiyinlew boyınsha alıp barılıp atırǵan reformalar haqqında tolıq túsinikler berdi.
Bul seminar qatnasıwshılardıń huqıqıy sawatlılıǵın arttırıw, insan huqıqlarına húrmet ruwxın bekkemlew hám demokratiyalıq qádiriyatlardı úgit-násiyatlawǵa xızmet etti.
QMI baspsóz xatkeri