Qaraqalpaqstan medicina institutında yaponiyalı birge islesiwshiler menen ushırasıw
22.08.2025 Поделиться22-avgust kúni Qaraqalpaqstan medicina institutı Juntendo universiteti (Yaponiya) professor-oqıtıwshıları hám studentlerinen ibarat delegaciyanı qabılladı.
Institut basshıları hám miymanlar arasında ótkerilgen ushırasıwda eki tárepleme birge islesiwdiń jańa perspektivaları dodalandı. Atap aytqanda:
• klinikalıq immunologiya hám manual terapiya boyınsha ilimiy tájiriybe almasıw,
• farmaciya tarawında qospa joybarlardı jolǵa qoyıw,
• aldınǵı yapon medicinalıq texnologiyaların engiziw,
Xızmetkerler hám studentler almasıw baǵdarlamaların rawajlandırıw máseleleri kórip shıǵıldı.
✅ Ushırasıw dawamında Aralboyı aymaǵında densawlıqtı saqlaw menen baylanıslı áhmiyetli mashqalalar hám olardı sheshiw jolında ámelge asırılıp atırǵan keń kólemli reformalar haqqında maǵlıwmat berildi. Miymanlar instituttıń bilimlendiriw procesi, zamanagóy sharayatları hám jas kadrlardı tayarlawdaǵı jetiskenlikleri menen de jaqınnan tanıstı.
✨ Bul ushırasıw Qaraqalpaqstan medicina institutınıń xalıqaralıq kólemde ashıqlıǵı, innovaciyalıq medicinalıq bilimlerdi engiziw hám jas qánigelerdi tayarlawdaǵı háreketlerine jáne de kúsh baǵıshlaydı.
Birge islesiw nátiyjeleri hám keleshektegi joybarlar haqqında tolıq maǵlıwmatlar keyingi postlarda járiyalanadı.






