QMI studentleri Qazaqstanda xalıqaralıq ámeliyatta!
12.04.2025 ПоделитьсяQaraqalpaqstan medicina institutı xalıqaralıq birge islesiw sheńberinde óziniń akademiyalıq almasıw baǵdarlamaların jedel ámelge asırmaqta. Sonıń nátiyjesinde S.D.Asfendiyarov atındaǵı Qazaq milliy medicina universiteti menen birgelikte 8 studentimiz 2-12-aprel kúnleri Qazaqstanda qısqa múddetli ámeliyat ótep atır.
Bul ámeliyat procesinde studentlerimiz:
🫥 Zamanagóy medicina texnologiyaları hám diagnostika úskenelerinen paydalanıw boyınsha kónlikpelerin arttırdı;
🫥 Nawqaslardı klinikalıq baqlaw, diagnoz qoyıw hám emlew proceslerinde tikkeley qatnastı;
💠Qazaqstandaǵı medicinalıq bilimlendiriw sisteması hám onıń oqıw-ámeliy usılları menen tanısıw imkaniyatına iye boldı.
Akademiyalıq mobillik tek ǵana kásiplik tájiriybe emes, al studentlerdiń dúnyaǵa kózqarasın hám xalıqaralıq tájiriybesin de bayıtadı. Bunday sapar etiwler medicina tarawında jetik, básekige shıdamlı qánigeler jetistiriwde áhmiyetli tiykar bolıp esaplanadı.
Institutımız xalıqaralıq baylanıslardı jáne de bekkemlep, studentler ushın jańa imkaniyatlar jaratıwda dawam etedi!


