QMI tárepinen tuwma nuqsanlı balalardı anıqlaw hám hámiledar hayallarǵa medicinalıq másláhátler berilmekte
14.02.2025 Поделиться
Qaraqalpaqstan medicina institutı klinikasınıń shıpakerleri hám klinikalıq ordinatorlar toparınan shólkemlestirilgen brigada usı jıldıń 13-fevral sánesinde Nókis rayonnıń alıs aymaǵı Qırantaw APJǵa bardı. Barıwdıń tiykarǵı maqseti 14 jasqa shekemgi balalardıń salamatlıǵın tekseriw, tuwma nuqsanlı balalardı anıqlaw hám hámiledar hayallarǵa salamat perzentti dúnyaǵa keltiriw ushın zárúr medicinalıq másláhátler beriwden ibarat.
Shıpakerler brigadası Shańaraqlıq poliklinikada 100 ge shamalas balalar hám 50 ge shamalas hámiledar hayallardı medicinalıq tekseriwden ótkerdi. Medicinalıq kórik dawamında tuwma nuqsanı bar balalarǵa QMI klinikasında emleniwi ushın jollamalar berdi.
Sol arqalı, brigada xalqımızǵa joqarı dárejedegi medicinalıq járdem kórsetiw hám olardıń densawlıǵın jaqsılaw baǵdarında áhmiyetli jumıslardı alıp barmaqta. Medicinalıq tekseriwler arqalı xalıq arasında medicinalıq bilimdi arttırıw hám dáslepki medicinalıq tekseriwlerdiń áhmiyetin jáne de joqarılatıwǵa erisildi.
Bunnan keyingi sapar Moynaq rayonına barıw rejelestirilgen hám keń kólemde dawam ettiriliwi maqset etilgen.
QMI Baspasóz xatkeri