QMIda kitap yarmarkası bolıp ótti
17.02.2026 Поделиться
14-fevral – “Xalıqaralıq kitap sawǵa etiw kúni” múnásibeti menen 16-fevral kúni Qaraqalpaqstan medicina institutında “Plato Books” kitap dúkanı tárepinen kitap yarmarkası shólkemlestirildi.
Yarmarka student-jaslar, professor-oqıtıwshılar hám barlıq kitapqumarlar ushın haqıyqıy ruwxıy bayramǵa aylandı. Onda hár qıylı janrdaǵı kórkem ádebiyatlar, ilimiy-ǵalabalıq shıǵarmalar, oqıw qollanbaları hám jáhán ádebiyatınıń dúrdanaları usınıldı.
Ilaj sheńberinde institut psixologi tárepinen náshebentliktiń aldın alıwǵa qaratılǵan “Zıyan hám sheshimler” atamasında usınıslar jıynaldı. Bul bolsa yarmarkaǵa jáne de mazmun hám aktuallıqtı baǵıshladı. Ilajdıń tiykarǵı maqseti – jaslar arasında kitapqumarlıq mádeniyatın rawajlandırıw, kitapqa mehir oyatıw hám onı eń jaqsı sawǵa sıpatında úgit-násiyatlaw bolıp tabıladı.
📖 Kitap – bilim, pikirlew hám rawajlanıwǵa jeteklewshi biybaha baylıq.
