QMIda Milliy sport oyınları boyınsha jarıslar shólkemlestirildi
19.03.2025 ПоделитьсяQaraqalpaqstan medicina institutında ulıstıń ullı kúni Nawrız ulıwma xalıqlıq bayramı múnásibeti menen shólkemlestirilgen «Qádiriyatlarıń máńgi bolsın, Nawrız!» atamasındaǵı bayram sheńberinde milliy sport oyın jarısları bolıp ótti.
Studentler «tas kóteriw», «langi» hám «arqan tartıs» milliy sport túrleri boyınsha ózleriniń imkaniyatların sınaqtan ótkerdi.
Jarıs juwmaǵında jeńimpazlar hám sıylı orın iyeleri instituttıń kásiplik awqamı komiteti tárepinen bayram sawǵaları menen sıylıqlandı. Ilaj sheńberinde elimizdiń súyikli qosıqshısı B.Xamidullaev tárpinen janlı hawazda qosıqlar atqarılıp student jaslarǵa bayram keypiyatın inam etti.
Ilaj sońında, joqarı dárejedegi shólkemlestirilgen bayram ilajı arqalı jas awladtı Ana Watanǵa muhabbat hám sadıqlıq, milliy hám ulıwma insanıylıq qádiriyatlarǵa húrmet ruwxında tárbiyalaw jolındaǵı alıp barılıp atırǵan jumıslar ushın Institut jámáátine QR Ministler Keńesi tárepinen Minnetdarshılıq bildirildi hám arnawlı bayram sawǵası tapsırıldı.







