QMIda Nawrız bayramına arnalǵan koncert baǵdarlaması bolıp ótti

19.03.2025

👁 10 marta ko‘rilgan

Búgin, 19-mart kúni Qaraqalpaqstan medicina institutında Nawrız ulıwmaxalıqlıq bayramına baǵıshlanǵan “Qádiriyatlarıń máńgi bolsın, Nawrız!” atamasında bayram seyili hám koncert baǵdarlaması shólkemlestirildi.

Bayram baǵdarlamasında hár bir qatnasıwshı, óziniń miynetiniń jemisi sıpatında xalıqqa milliy qádiriyatlardı kórsetti. Institut studentleri tárepinen shólkemlestirilgen ónermentshilik úlgileri hám milliy taǵamlar kórgizbesi bayramǵa tán ortalıqtı jarattı.

Ilajda institut rektorı w.w.a Olimbay Xalimov shıǵıp sóylep, bayram qatnasıwshıları hám miymanlardı shıǵıs xalıqlarınıń jańa jıl bası – Nawrız bayramı menen qutlıqladı.

Tayarlanǵan koncert baǵdarlamasında instituttıń bir topar qábiletli studentleri tárepinen milliy úrp-ádetler, dástúrler sáwlelengen saxnalıq kórinisler, qosıqlar, ayaq oyınlar atqarılıp, milletleraralıq tatıwlıqtı jırlaytuǵın qosıqlar atqarıldı hám jıynalǵanlarǵa bayram keypiyatın baǵıshladı.

PHP Code Snippets Powered By : XYZScripts.com