QR IIM qánigeleri menen student-jaslardıń ushırasıwı shólkemlestirildi
31.01.2025 Поделиться
Keshe 30-yanvar sánesinde Qaraqalpaqstan medicina institutı májilisler zalında Qaraqalpaqstan Respublikası ishki isler ministirligi jámiyetlik qáwipsizlik xızmeti, jol háreketi qáwipsizligi basqarması qánigeleri hám QMI w.w.a rektorı O.Xalimov hám jaslar máseleleri menen baylanıslı juwapkerlerdiń student-jaslar menen ushırasıw shólkemlestirildi.
Bul ushırasıwdıń tiykarǵı maqseti studentlerge jol háreketi qaǵıydalarına ámel etiw zárúrligin túsindiriw hám átirapındaǵı adamlarda qáwipsizlik hám juwapkershilik sezimin qáliplestiriwge shaqırıw bolıp esaplanadı.
Jol háreketi xızmetkerleri studentlerge jol háreketi qaǵıydalarına ámelde qalay ámel etiw kerek ekenligin túsindirip, jollarda qáwipsizlikti támiyinlew boyınsha óz tájiriybeleri menen bólisti. Bunda jaslardıń ózi de, jámiyetshiliktiń barlıq aǵzaları da jol háreketi qaǵıydalarına úlken mútájlikti seziwi kerek ekenligin atap ótti.
Ushırasıw barısında student-jaslarǵa jol aqıbetleriniń ayanshlı jaǵdayları menen juwmaqlanǵan videorolik hám bul kewilsiz jaǵdaylardı boldırmaw ushın bárshe juwapkershilik penen qatnasta bolıw kerek enenligi túsindirildi.
Usı orında medicinalıq járdem kórsetiw hám operativ háreketleniw barqulla eń áhmiyetli bolıp sanalatuǵınlıǵı al baxıtsız jaǵdaydı keltirip shıǵarmaw baslı maqsetimiz bolıw zárúrligi aytıp ótildi.
