Dekanattıń funkciyaları hám wazıypaları

Dekanattıń funkciyaları:

• Oqıw, oqıw-metodikalıq ilimiy hám ruwxıy-aǵartıwshılıq jumıslarǵa tikkeley basshılıq etiw;

• Oqıw-tárbiyalıq process, talabalardıń qániygelik jumısı hám ámeliyatı ústinen baqlawdı ámelge asırıw;

• Sabaq kestesin dúziwge basshılıq etiw hám onıń orınlanıwı ústinen baqlap baradı;

• Talabalardıń sabaqqa qatnasın turaqlı qadaǵalap barıw;

• Talabalardıń pánlerden erkin islewi, sonday-aq, olardıń bilimin reyting tiykarında bahalaw ústinen qadaǵalawdı shólkemlestiriw;

• Qábiletli, talantlı talabalardı anıqlaw hám olar menen islew, Ózbekstan Respublikası Prezidenti, Ibn Sino, Ibrayim Yusupov, Tólepbergen Qayipbergenov atındaǵı hám basqa da mámleketlik stipendiyaları tańlawında talabalardıń qatnasıwın támiyinlew;

• Pánler boyınsha ótkeriletuǵın olimpiadalarda talabalar qatnasıwın támiyinlew;

• Fakultette hám talabalar turar jayında, ijárada jasawshı talabalar menen ruwxıy-aǵartıwshılıq jumıslardı ótkeriw;

• Fakultet pitkeriwshi talabalarınıń monitoringin alıp barıw, olar menen baylanıs ornatıw;

Dekanattıń tiykarǵı wazıypaları:

• Fakultette oqıw processin shólkemlestiriw hám támiyinlew;

• Tálimniń barlıq máseleleri boyınsha talabalarǵa xabardar etiw, kórsetiw hám túsindiriw jumısların alıp barıw;

• Fakultet boyınsha buyrıqlar tayarlaw hám biylikler shıǵarıw;

• Talabalar iskerligine tiyisli maǵlıwmatlardı júrgiziw, toplaw, saqlaw hám tiyisli hújjetlerdi rásmiylestiriw;

• Talabalar kontingenti monitoringin alıp barıw;

• Talabalıq guwalıqların rásmiylestiriw hám talabalarǵa jetkiziw;

• Reyting dáptershelerin rásmiylestiriw, talabalardıń ózlestiriw nátiyjelerin dáptershesi ústinen baqlawdı ámelge asırıw hám olardı saqlaw;

• Reyting kórsetkishlerin rásmiylestiriw, olardıń ornatılǵan tártipte toltırılıwın baqlap barıw hám saqlaw;

• Semestr nátiyjelerin ulıwmalastırıw, esabatlardı tayarlaw hám ornatılǵan tártipte joqarı oqıw-metodikalıq basqarmasına usınıw;

• Semestr nátiyjeleri hám stipendiya komissiya qararına tiykarlanıp talabalarǵa stipendiyalar belgilew hám olardı kurstan-kursqa ótkiziw tuwrısındaǵı buyrıqlardı tayarlaw;

• Pitkeriwshi bakalavr hám magistr talabalardıń talabalıq guwalıǵı, reyting dáptershesi, oqıw hám shaxsiy betlerin JOO talabalar bólimine ornatılǵan tártipte tapsırıw;

• Pitkeriwshi talabalarǵa tiyisli buyrıqlar orınlanıwın támiyinlew.