Dekanattıń funkciyaları hám wazıypaları

Dekanattıń funkciyaları:

• Oqıw, oqıw-metodikalıq, ilimiy hám ruwxıy-aǵartıwshılıq jumıslarǵa tikkeley basshılıq etiw;

• Oqıw-tárbiyalıq procesi, talabalardıń qániygelik jumısı hám ámeliyatı ústinen baqlawdı ámelge asırıw;

• Sabaq kestesin dúziwge basshılıq etiw hám onıń orınlanıwı ústinen baqlap barıw;

• Talabalardıń sabaqqa qatnasın turaqlı qadaǵalap barıw;

• Talabalardıń pánlerden erkin islewi, sonday-aq, olardıń bilimin reyting tiykarında bahalaw ústinen qadaǵalawdı shólkemlestiriw;

• Qábiletli, talantlı talabalardı anıqlaw hám olar menen islesiw, Ózbekstan Respublikası Prezidenti, Ibn Sino, Ibrayim Yusupov, Tólepbergen Qayipbergenov, Charjaw Abdirov atındaǵı hám basqa da mámleketlik stipendiyaları tańlawına talabalardıń qatnasıwın támiyinlew;

• Pánler boyınsha ótkeriletuǵın olimpiadalarda talabalar qatnasıwın támiyinlew;

• Fakultette hám talabalar turar jayında, ijárada jasawshı talabalar menen ruwxıy-aǵartıwshılıq jumıslardı ótkeriw;

• Fakultet pitkeriwshi talabalarınıń monitoringin alıp barıw, olar menen baylanıs ornatıw;

Dekanattıń tiykarǵı wazıypaları:

• Fakultette oqıw processin shólkemlestiriw hám támiyinlew;

• Tálimniń barlıq máseleleri boyınsha talabalarǵa xabardar etiw, kórsetiw hám túsindiriw jumısların alıp barıw;

• Fakultet boyınsha buyrıq hám biylikler shıǵarıw;

• Talabalar iskerligine tiyisli maǵlıwmatlardı júrgiziw, toplaw, saqlaw hám tiyisli hújjetlerdi rásmiylestiriw;

• HEMIS elektron platformasına talabalalardıń barlıq maǵlıwmatların kirgirgiziwdi támiyinlew;

• Talabalar kontingenti monitoringin alıp barıw;

• Reyting dáptershelerin rásmiylestiriw, talabalardıń ózlestiriw nátiyjelerin dáptershesi ústinen baqlawdı ámelge asırıw hám olardı saqlaw;

• Semestr nátiyjelerin ulıwmalastırıw, esabatlardı tayarlaw;

• Semestr nátiyjeleri hám stipendiya komissiya qararına tiykarlanıp talabalarǵa stipendiyalar belgilew hám olardı kurstan-kursqa ótkiziw tuwrısındaǵı buyrıqlardı tayarlaw;

• Pitkeriwshi bakalavr talabalardıń talabalıq guwalıǵı, reyting dáptershesi, oqıw hám shaxsiy betlerin talabalar bólimine ornatılǵan tártipte tapsırıw;

• Pitkeriwshi talabalarǵa tiyisli buyrıqlardıń orınlanıwın támiyinlew.