“Rektor hám jaslar” – ashıq sáwbet maydanı

13.11.2025

👁 9 marta ko‘rilgan

Búgin Qaraqalpaqstan medicina institutında institut rektorı Olimbay Xalimov student-jaslar menen ashıq hám qızǵın ushırasıw ótkerdi.

Sóylesiw dawamında studentler studentler turaq jayındaǵı sharayatlar, dógereklerdiń jumısı, pán hám til úyreniw boyınsha zamanagóy úskenelerdiń zárúrligi boyınsha óz pikir-usınısların bildirdi. Atap aytqanda, ilimiy-ámeliy sabaqlardı kúsheytiw ushın LED monitorlar ornatıw máselesi alǵa qoyıldı.

Ushırasıwdan soń rektor juwapkerler menen birgelikte studentler turaq jayına shıǵıp, ısıtıw sistemasınıń jaǵdayın kózden ótkerdi hám “Bes baslama” sheńberinde studentlerge barlıq zárúr sharayatlardı jaratıw boyınsha tapsırmalar berdi.

Sonday-aq, studentlerge GPA kórsetkishlerin arttırıw, sırt el akademiyalıq mobillik baǵdarlamalarında qatnasıw ushın házirden-aq puqta tayarlıq kóriw zárúr ekenligi atap ótildi.

Bunday ushırasıw hám sóylesiwler student baslamaların qollap-quwatlaw hám bilimlendiriwdiń sapasın arttırıwǵa xızmet etetuǵının atap ótiw kerek.

PHP Code Snippets Powered By : XYZScripts.com