“Rektor hám jaslar” ushırasıwı shólkemlestirildi
23.09.2025 Поделиться
Búgin Qaraqalpaqstan medicina institutında institut rektorı Olimbay Xalimov 1-kurs student-jasları menen ashıqtan-ashıq sáwbet ótkerdi.
Ushırasıwda rektor jas áwladtı:
- kásiplik sheberlik hám ádep-ikramlılıq qádiriyatlarǵa sadıq bolıwǵa,
- ilimiy-ámeliy jumıstı kúsheytiwge,
- jámiyet salamatlıǵına xızmet etetuǵın baslamalardı qollap-quwatlawǵa shaqırdı.
Sonday-aq, studentlerge GPA ball sistemasında joqarı nátiyjelerdi qolǵa kirgiziw hám shet el akademiyalıq mobillik baǵdarlamalarında qatnasıw ushın házirden puqta tayarlıq kóriw zárúrligi atap ótildi.
Ushırasıw dawamında studentler tálim procesi boyınsha ózleriniń soraw hám usınısların bildirdi. Rektor bolsa olardı tıńlap, hár bir pikir ayrıqsha kórip shıǵılatuǵının, sonday-aq, studentlerdi qollap-quwatlaw ushın mexanizmler jolǵa qoyılatuǵının málim etti.
Student-jaslar hám institut basshıları arasındaǵı bunday ashıqtan-ashıq sóylesiwler turaqlı dawam ettiriliwin atap ótiw kerek. Bul bolsa studentlerdiń pikiri hám baslamaları institut turmısında áhmiyetli orın iyelewin támiyinleydi.
