REKTOR STUDENTLERDIŃ IJARA TURAQ JAYLARINDAǴI SHARAYATLAR MENEN TANISTI
31.10.2026 ПоделитьсяQaraqalpaqstan medicina institutı rektorı Olimbay Xalimov studentlerdiń ijara turaq jaylarına barıp, olardaǵı jasaw sharayatları menen jaqınnan tanıstı.
Ilaj dawamında studentlerdiń jasaw sharayatları, bar mashqalaları hám olardı saplastırıwǵa baylanıslı máseleler úyrenildi. Studentler menen sáwbetlesip, olardıń múrájat hám usınısları tıńlandı.
Sonday-aq, ijara turaq jaylarındaǵı ısıtıw sistemalarınıń jaǵdayı da kózden ótkerilip, suwıq máwsimde studentlerdiń jasawı ushın zárúr qolaylıqlardıń bar ekenligine itibar qaratıldı.
Anıqlanǵan mashqalalar boyınsha tiyisli juwapkerlerden ibarat jumısshı toparǵa mashqalalardı úyreniw, sheshiw ilajların kóriw hám orınlanıwın qadaǵalaw boyınsha tiyisli tapsırmalar berildi.
Bul ótkerilgen ilaj dawamında studentlerdiń jasaw sharayatların jaqsılaw, olardıń múrájat hám mashqalalarına óz waqtında itibar qaratıw jáne de bul baǵdardaǵı jumıslardı turaqlı túrde shólkemlestiriwge ayrıqsha itibar qaratılǵan.




