Oqıw-metodika bólimi

Abdullaeva Nuriya Djalgasovna
Oqıw-metodika bólimi baslıǵı

Oqıw-metodikalıq bólim Qaraqalpaqstan medicina institutınıń tiykarǵı dúzilmelerinen biri bolıp, ol institut rektorına boysınadı hám oqıw isleri boyınsha prorektor tárepinen basqarıladı.

Oqiw-metodikaliq bólimniń tiykarǵı maqseti institutta oqıw pracesin táminlew, oni muwapıqlastiriw, sondayaq, fakultet hám kafedralardiń oqıw iskerligin baqlawdan ibarat.

Bólimniń wazıypaları:

1. Bólim xızmetkerleri ortasında wazıypalardı bólistiriw hám olardıń nátiyjeli islewin támiyinlew;
2. Instituttıń fakultet hám kafedraları boyınsha oqıw júklemeleriniń esap-kitap etiliwi hám kafedralar tárepinen professor-oqıtıwshılar quramına belgilengen múddetlerde júklemeniń bólistiriliwin baqlaw ;
3. Kafedra oqıtıwshıları tárepinen oqıw júklemeleriniń orınlanıwın baqlaw ;
4. Oqıw bóliminiń jumıs jobaların islep shıǵıw hám tastıyıqlawǵa kirgiziw, olardıń anıq hám waqıtında orınlanıwın támiyinlew;
5. Oqıw procesine tiyisli normativ hújjetlerdi sapalı tayarlanıwın támiyinlew hám oqıw procesine tolıq engiziw.
6. Oqıw procesin sapalı shólkemlestiriw, oqıw jumıslarin metodikalıq jaqtan támiyinlew hám jetilistiriw.
7. Oqıw rejesine Mámleketlik bilimlendiriw standartlarına tuwrı ráwishte ózgerisler kiritip barıw, túrles joqarı oqıw orınları menen metodikalıq baylanıslardı ámelge asırıw.
8. Institutta oqıw rejesi hám dástúrler tiykarında oqıw-tárbiya jumısların ámelge asırıw.
9. Oqıw procesi kestesin, oqıw jılı ushın sabaq kestesin dúziw jáne onıń orınlanıwın baqlaw ;
10. Oqıw procesine studentler bilimin bahalaw hám qadaǵalaw boyınsha reyting sistemasın, test qadaǵalawı hám basqa oqıw procesi sapasın asırıwshı nátiyjeli, progressiv usıllardı engiziw.
11. Institut aymaǵındaǵı hám orınlardaǵı kafedralar, auditoriya hám lekciya zallarınan tuwrı paydalanıwdı támiyinlew hám qadaǵalaw.
12. Instituttıń Ilimiy Keńesi, rektorat jıynalısları, Ilimiy-metodikalıq keńeske oqıw jumısları boyınsha maǵlıwmatlar hám qararlar joybarın tayarlaw.
13. Bólim iskerligine tiyisli joqarı shólkemler, rektor hám oqıw jumısları boyınsha prorektorning buyrıqları, qararları, kórsetpeleri atqarılıwın támiyinlew hám baqlaw ;
14. Oqıw procesi jáne onıń materiallıq-texnikalıq bazasın rawajlandırıw boyınsha usınıslar tayarlawda qatnasıw.
15. Kafedra hám fakul’tetlerde oqıw rejesine tiyisli basshılar menen oqıw procesine zamanagóy xabar-kompyuter hám jańa pedagogikalıq texnologiyalardı engiziw boyınsha jıl dawamında seminarlar, konsultaciyalar shólkemlestiriw.
16. Studentler kontingentin háreketin baqlaw ;

     Dekanatlar hám kafedralardıń jańa oqıw jılına tayarlıǵın qadaǵalaw hám t. b.