Xalıq aralıq baylanıslar bólimi

Nashenova Zamira Sabit qızı

Xalıq aralıq baylanıslar bólimi baslıǵı

XALIQ ARALIQ BAYLANISLAR BÓLIMI

   Xalıq aralıq baylanıslar bólimi – bul Qaraqalpaqstan medicina institutınıń (QMI) strukturalıq bólimi.   Bólim óz iskerligin Ózbekstan Respublikasınıń nızamları tiykarında ámelge asıradı.

   Xalıq aralıq baylanıslar bólimi instituttıń shet el joqarı tálim mekemeleri, ilimiy izertlew orayları hám bilimlerdi jetilistiriw institutları menen sheriklikti jolǵa qoyıw, eń sońǵı oqıw hám ilimiy tájiriybelerdi úyreniw hám olardı ámelde qollaniw, student hám professor -oqıtıwshılardı dúnyanıń abıraylı tálim mekemelerinde tájiriybe arttırıp qaytıwı sıyaqlı shólkemlestirilgen islerdi muwapıqlastırıwshı hám basqarıwshı bólim bolıp tabıladı.

BÓLIM MAQSETLERI

    Xalıq aralıq standartlarǵa juwap beretuǵın professional hám ulıwma mádeniy kepilliklerge iye bolǵan Ózbekstan hám shet el mámleketler ushın joqarı maman kadrlar tayarlaw ;

    Shet el universitetleri, mekemeler, shólkemler hám fondlar menen xalıq aralıq ilimiy joybarlar, programmalar, shártnamalar, grantlar hám sherikliktiń basqa formaları arqalı QMIni xalıq aralıq kólemde tán alınǵan innovciyalıq ilimiy-oqıw, analitik, máslahát hám proekt orayına aylandırıw maqsetin ámelge asırıw.

BÓLIM WAZIYPALARI

• QMIniń xalıq aralıq baylanısların rawajlandırıw boyınsha ilajlardı islep shıǵıw hám shólkemlestiriw;
• QMI iskerligin xalıq aralıq shólkemler, proyektler, programmalarda keńeytiw;
• QMIga rásmiy, jumısshı, rásmiy bolmaǵan (menshikli) saparlar menen kelgen shet el delegatsiyalarni qabıllawdı tayarlaw hám ótkeriw;
• Shet el oqıtıwshılardı QMIda lekciya oqıwǵa tartıw;
• Akademikalıq mobillikti támiyinlew;
• Shet el universitetler menen birgelikte jazǵı hám qısqı mekteplerdi shólkemlestiriw hám olardıń jumıslarında QMI studentleri hám aspirantlarınıń qatnasıwın támiyinlew;

BÓLIM FUNKSIYALARI

• QMI xalıq aralıq sherikligin shólkemlestirilgen, stilistik hám wákilli túrde támiyinlew;
• Sherikliktiń ústin turatuǵın baǵdarların anıqlaw, QMI xalıq aralıq baylanısların uzaq múddetli joybarlaw, baylanıslardı umumuniversitet dárejesinde ornatıw ushın serik OTMlarni izlew hám tańlaw, olar menen qospa ilajlar jobaları hám programmaların óndirisinde qatnasıw, xalıq aralıq almasıwlardı ámelge asırıw;
• Xalıq aralıq tálim hám ilimiy joybarlardı tayarlaw hám ámelge asırıw;
• QMIniń shet el mámleketlerdiń tálim mekemeleri, shólkemleri hám fondları menen sheriklik programmasın jaratıw hám jumıs programmaların ámelge asırıw ;
• Xalıq aralıq akademikalıq baylanıslar, almasıw hám háreketshenliktı óz-ara muwapıqlastırıw hám ámelge asırıw, sonday-aq studentler, aspirantlar hám oqıtıwshılar quramınıń akademikalıq mobillıgın támiyinlew maqsetinde informacion- analitik baza júrgiziw hám de xalıq aralıq sheriklikti qollap-quwatlaw ;
• Xalıq aralıq sheriklik hám akademikalıq mobilliktı ámelge asırılıp atırǵan QMI fakultetleri, kafedraları hám bólimlerine járdem beriw hám islerdi muwapıqlastırıw, xalıq aralıq konferenciyalardı shólkemlestiriw hám shet el universitetleri, mekemeleri, shólkemleri menen baylanıslardı saqlaw ;
• QMIga rásmiy, jumısshı, rásmiy bolmaǵan (menshikli) saparlar menen kelgen shet el delegatsiyalarin qabıllaw, konferenciyalar tayarlaw hám ótkeriw menen baylanıslı protokol ilajların ámelge asırıw.