Ishki qadaǵalaw hám monitoring bólimi

Baymuratova Zulfiya Aytmuratovna
Ishki qadaǵalaw hám monitoring bólimi baslıǵı
Qabıllaw waqtı: | Dúyshembi – shembi: 09:00 den 17:00 ge shekem |
Tel: | (+99861) 222-84-18 |
Fax: | (+99861) 222-84-36 |
E-mail: | nukusmed@mail.ru |
Mánzil: | Nókis qalası, A.Dosnazarov kóshesi 108-jay |
Qaraqalpaqstan medicina institutı qadaǵalaw hám monitoring bólimi (keyingi orınlarda “bólim” dep júritiledi) “Bilimlendiriw haqqında”ǵı Nızamda belgilengen wazıypalardıń orınlanıwın, oqıw-bilimlendiriw procesinde Ózbekstan Respublikası Prezidentiniń pármanları, Ministrler Kabinetiniń Joqarı bilimlendiriw tarawına baylanıslı qararları, Joqarı hám orta arnawlı bilimlendiriw ministrliginiń normativlik hújjetleri hám metodikalıq kórsetpeleriniń hám institut boyınsha ishki buyrıqlar menen kórsetpe-buyrıqlardıń óz waqtında orınlanıwın qadaǵalaw hám tallaw maqsetinde shólkemlestirilgen.
Bólim óz jumısın shólkemlestiriwde Ózbekstan Respublikası Konstituciyası hám nızamları, 2020-jıl 23-sentyabrdegi 637-sanlı “Bilimlendiriw haqqında”ǵı Nızam, Ózbekstan Respublikası Oliy Majlisiniń qararları hám basqa hújjetleri, Ózbekstan Respublikası Prezidentiniń pármanları, qararları hám biylikleri, húkimet qararları hám biylikleri, Joqarı hám orta arnawlı bilimlendiriw ministrliginiń Kollegiya qararları hám buyrıqları, QMI Rejesi, instituttıń jumıs reglamentleri hám usı Rejege ámel etedi.
Bólim fakultetler, kafedralar, sonday-aq, bólimlerdiń oqıw, oqıw-metodikalıq, ruwxıy-aǵartıwshılıq, ilimiy-izertlew, kadrlardıń mamanlıǵın arttırıw hám qayta tayarlaw, kollegiya hám ilimiy keńes qararlarınıń, ministrlik, institut boyınsha buyrıqlardıń hám bilimlendiriw, densawlıqtı saqlaw tarawındaǵı normativlik hújjetlerdiń orınlanıwın qadaǵalaydı.
Bólim óz jumısın QMI rektorı basshılıǵında ámelge asıradı hám tikkeley rektorǵa boysınadı.
Bólim óz jumısın instituttıń basqa strukturalıq bólimleri menen óz-ara birge islesiwde ámelge asıradı.
Ishki qadaǵalaw hám monitoring bóliminiń tiykarǵı wazıypaları:
- institutta Ózbekstan Respublikası joqarı bilimlendiriwge baylanıslı nızamlar, ministrliktiń Kollegiya qararları, buyrıqları hám basqa da hújjetlerdiń, sonday-aq, institut boyınsha ishki buyrıqlar hám biyliklerdiń orınlanıwın monitoring etiw;
- elektron is júrgiziw hám hújjet aylanısı sisteması tiykarında
- hújjetlerdiń óz waqtında orınlanıwın qadaǵalaw;
- institutta professor-oqıtıwshılar hám oqıw-járdemshi xızmetkerler quramınıń ishki inspekciyasın shólkemlestiriw hám ótkeriw;
- kadrlar tayarlaw sapası hám bilim alıwshılardıń joqarı tayarlıq dárejesine qoyılatuǵın zárúr talaplardı belgileytuǵın mámleketlik bilimlendiriw standartlarına hám basqa da normativlik hújjetlerge ámel etiliwi ústinen qadaǵalawdı hám monitoringti alıp barıw;
- institutta bilimlendiriw standartların engiziw máseleleri boyınsha fakultetler, kafedralar hám basqa da strukturalıq bólimlerge ámeliy hám metodikalıq járdem kórsetiw;
- instituttıń basqarıw uyımlarına bilimlendiriw procesin reformalaw hám jetilistiriw boyınsha analitikalıq materiallar hám usınıslar tayarlaw;
- institutta oqıw procesin tallaw tiykarında anıqlanǵan kemshiliklerdi saplastırıw boyınsha bólimlerge ámeliy hám metodikalıq járdem kórsetiw;
- professor-oqıtıwshılar jumısın bahalawdıń reyting usılların engiziwdi ámelge asırıwda qatnasıw;
- kemshilikler hám mashqalalardı saplastırıw hám sheshiw boyınsha anıq usınıslardı institut basshılıǵına usınıw;
- institutta bilimlendiriw standartlarına hám bilimlendiriwge tiyisli normativlik hújjetlerge ámel etiliwin qadaǵalaw;
- instituttaǵı barlıq túrdegi Keńes jumıslarında qatnasıw;
- institut jumısı boyınsha fakultet, kafedra hám basqa da strukturalıq bólimlerden óz xızmet wazıypaların orınlaw ushın zárúr hújjetlerdi talap etiw hám máselege baylanıslı qánigelerdi tartıw;
- magistrlik dissertaciyasın qorǵaw, mámleketlik attestaciyalarınıń ótkeriliwi hám barlıq túrdegi teoriyalıq hám ámeliy shınıǵıwlardı qadaǵalaw;
- óz huqıqı sheńberinde máselelerdi orınlarda úyreniw ushın belgilengen tártipte instituttıń maman professor-oqıtıwshıları hám xızmetkerlerin tartqan halda toparlar dúziw.