Professor-oqıtıwshılar ushın ayrıqsha áhmiyetke iye seminar
08.01.2026 Поделиться
Qaraqalpaqstan medicina institutında professor-oqıtıwshılar ushın ayrıqsha áhmiyetke iye bolǵan aralıqtan seminar-trening shólkemlestirildi. Bul ilaj professor-oqıtıwshılardıń oqıw baǵdarlamaların dúnyanıń TOP-300 joqarı oqıw orınlarınıń tájiriybesi tiykarında optimallastırıw maqsetinde ótkerildi.
Seminarda, Qazaqstan Respublikası, Shımkent qalasında jaylasqan Tashenev universiteti Málimleme hám sanlı texnologiyalar kafedrası aǵa oqıtıwshısı Xalmetova Shaxnoza Abdulaqimovna online tárizde hám instituttıń professor-oqıtıwshıları óz jumısları, ámelge asırılıp atırǵan iskerligi hám bilimlendiriwdiń sapasın arttırıwǵa qaratılǵan jańa usıllar boyınsha pikir hám tájiriybeler menen ortaqlastı.
🖥 Trening dawamında:
- medicinalıq bilimlendiriwde multimedia hám sanlı texnologiyalardan nátiyjeli paydalanıw;
- akademiyalıq mobillik sheńberinde sırt el tájiriybeleri;
- zamanagóy oqıtıw metodları hám interaktiv qatnaslar haqqında sóz etildi.
🔬 Bunday xalıqaralıq birge islesiw hám tájiriybe almasıw medicinalıq bilimlendiriwdiń sapasın arttırıw, básekige shıdamlı kadrlar tayarlaw hám zamanagóy medicina tarawınıń turaqlı rawajlanıwına xızmet etedi.
