Jańalıqlar

Studentler Tashkenttegi “Jeńis baǵı”nda

19.08.2025

👁 2 marta ko‘rilgan

Qaraqalpaqstan medicina institutı student-jasları Tashkent qalasındaǵı “Jeńis baǵı” kompleksine bardı.

Olar bul jerde boy tiklegen “Millet pidayıları” monumentiniń aldında ata-babalarımızdıń el azatlıǵı hám tınıshlıǵı jolında kórsetken mártligi, tariyxıy qaharmanlıqların eske aldı. Muzeyde kórsetilgen eksponatlar arqalı studentlerde ullı jeńiske qosılǵan úlken úles, milletimizdiń márt ulları hám pidayı hayal-qızlarımızdıń mártligi haqqındaǵı bilimleri jáne de bayıdı.

Ásirese, medicina tarawı boyınsha oqıp atırǵan jaslar ushın front artında shıpakerler kórsetken xızmetler, olardıń insanıylıq hám pidayılıq penen jurtqa sadıqlıq kórsetkeni úlken tásir qaldırdı.

Bunday saparlar jas áwlad qálbinde watansúyiwshilik sezimin jáne de bekkemleydi, ata-babalarımızdıń miyrasın qádirlewge iytermeleydi.

PHP Code Snippets Powered By : XYZScripts.com