Jańalıqlar

Ulıwmaxalıqlıq shembilik: Elimiz kórki hám salamat turmıs ushın awızbirshilik

23.08.2025

👁 3 marta ko‘rilgan

✅ Ǵárezsizligimizdiń 34 jıllıǵı aldınan mámleketimiz boylap ótkerilip atırǵan “Abat hám payızlı máhálle – jurt kórki” súreni astındaǵı ulıwmaxalıqlıq qayırqomlıq shembiligi – tek ǵana qorshaǵan ortalıqtı abadanlastırıw emes, al jámiyetimizde salamat turmıs tárizin bekkemlewge xızmet etpekte.

◾️ Qaraqalpaqstan medicina institutı jámááti 23-avgust kúni azannan baslap shembilik ilajında belsene qatnasıp, institut aymaǵın abadanlastırıw, kóklemzarlastırıw, shıǵındılardı jıynaw jumısların ámelge asırdı.

🔸 Bunnan tısqarı, jámáát aǵzaları máhállelerge shıǵıp, baǵıwshısın joǵaltqan shańaraqlardıń jaǵsayınan xabar aldı, biypul medicinalıq tekseriw ótkerdi hám úy jumıslarında járdem berdi.

👩⚕️ Institut jámááti qollarındaǵı shóp orıwshı mashina menen aymaqtı tazalaǵan bolsa, stetoskop penen júrek urıwın tıńlap, insanlar salamatlıǵına da biypárwa emesligin jáne bir márte ámelde dálilledi.

🌱 Bul baslama – abat ortalıq hám salamat jámiyet bir-birine tıǵız baylanıslı ekenliginiń ayqın kórinisi bolıp esaplanadı.

PHP Code Snippets Powered By : XYZScripts.com