Xalıqaralıq birge islesiwde jáne bir qádem!
04.09.2025 Поделиться
akademik_mobillik
Koryo universiteti házirgi waqıtta Koreya Respublikası Bilimlendiriw ministrligi hám Koreya Milliy izertlew qorınıń járdeminde “Xalıqaralıq birge islesiwdiń jetekshi universitetleriniń rawajlanıwın qollap-quwatlaw joybarı”n ámelge asırmaqta.
✅ Usı joybardıń áhmiyetli baǵdarlarınan biri sıpatında Qaraqalpaqstan medicina institutı menen 2022-2028-jıllarǵa mólsherlengen “Qorshaǵan ortalıq hám salamatlıq” joybarı ústinde birge islesiw jolǵa qoyılǵan. Joybardıń tiykarǵı maqseti – institutta ilimiy-ámeliy hám teoriyalıq laboratoriya bazasın jaratıw arqalı ekologiyalıq salamatlıq boyınsha bilimlendiriw hám izertlewlerdi rawajlandırıw bolıp tabıladı.
2025-jıl 23-31-avgust kúnleri Qaraqalpaqstan medicina institutı professor-oqıtıwshılarınan ibarat delegaciya Koreya Respublikasına barıp, Koryo universitetinde ekologiyalıq salamatlıq boyınsha ótkerilgen ilimiy seminarda belsene qatnastı.
Delegaciya aǵzaları óz ilimiy prezentaciyaları menen qatnasıp, tájiriybe almasıw imkaniyatına iye boldı. Sapar dawamında olar:
🔹 Koryo universitetiniń tiykarǵı kampusı
🔹 Sejong ekologik laboratoriyası
🔹 Nanjicheon suwdı qayta islew orayı
🔹 Incheon salamatlılıq hám átirap-ortalıq izzertlew instituti
🔹 Metropoliten poligon basqarması jumısı hám zamanagóy jumıs processleri menen jaqınnan tanıstı.
Bul sapar Qaraqalpaqstan medicina institutı jámááti ushın tek ǵana jańa bilim hám tájiriybeler deregi emes, al xalıqaralıq birge islesiw sheńberlerin ele de keńeytiw jolındaǵı áhmiyetli qádemlerden biri boldı.
