“Zorlıqqa qarsı 16 kún” akciyası sheńberinde ushırasıw ótkerildi
10.12.2025 Поделиться2025-jıl 10-dekabr kúni Qaraqalpaqstan medicina institutında Puqaralıq baslamaların qollap-quwatlaw orayı Qaraqalpaqstan aymaqlıq bólimi tárepinen “Zorlıqqa qarsı 16 kún” akciyası sheńberinde úgit-násiyatlaw ushırasıwı shólkemlestirildi.
Ushırasıwda «Erkekler hám ul balalardı gender teńlikti alǵa súriw hám hayal-qızlarǵa qarata zorlıqtıń barlıq túrleriniń aldın alıwǵa tartıw» atamasında ushırasıw bolıp ótti.
Ushırasıwda psixologiya ilimleriniń doktorı, professor, “Shańaraq” orayınıń baslıǵı Marat Utepbergenov, Qaraqalpaqstan Respublikası AYJSke qarsı gúresiw orayı shıpakeri Polat Xadjiev hám Puqaralıq baslamaların qollap-quwatlaw orayı Qaraqalpaqstan aymaqlıq bóliminiń eksperti Nuratdin Abipovlar qatnastı.
Ilaj dawamında qánigeler tárepinen shańaraq psixologiyası, gender teńligi, reproduktivlik salamatlıq, sonday-aq, jámiyette zorlıqqa qarsı múnásibetti qáliplestiriw máseleleri keń túrde dodalandı. Qatnasıwshılar ózlerin qızıqtırǵan sorawlarǵa qánigelerden tolıq juwaplar aldı.
Bul ilaj student-jaslardıń sanasında salamat shańaraq principleri, teńlik hám insan huqıqlarına húrmet sezimin bekkemlewge xızmet etti.




