QORAQALPOG‘ISTON TIBBIYOT INSTITUTI XALQARO HAMKORLIK DOIRALARINI KENGAYTIRMOQDA
09.10.2025 Поделиться
Qoraqalpog‘iston tibbiyot instituti xalqaro miqyosda ilmiy hamkorlik va tajriba almashish bo‘yicha yangi bosqichga ko‘tarilmoqda. 2025 yil oktabr oyida Koryo universiteti bilan amalga oshirilgan faoliyat – buni yaqqol tasdiqlaydi.
Tashrif va seminarlar
Joriy yilning 6–10 oktabr kunlari institutga Janubiy Koreya Respublikasi Koryo universiteti professori Lee Seung Gil tashrif buyurdi. Professor tomonidan zamonaviy asbob-uskunalarning ishlash tartibi va mexanizmlariga bag‘ishlangan seminarlar hamda master-klasslar tashkil etildi. Tadbirlar laboratoriya amaliyoti va texnik mutaxassislar uchun qimmatli tajriba manbai bo‘ldi.
Uchrashuvlar va kelgusidagi rejalar
Tashrif doirasida institut rektori Olimbay Xalimov va professor o‘rtasida grant loyihalar, qo‘shma ilmiy tadqiqotlar hamda akademik mobillik masalalari muhokama etildi. Uchrashuvda hamkorlikni kengaytirish va loyihalarni amaliyotga junatish bo‘yicha aniq qadamlar belgilandi.
“Atrof-muhit va salomatlik” loyihasi doirasidagi hamkorlik institutimiz uchun ilmiy va amaliy potensialni oshirishda muhim ahamiyat kasb etadi.
“Atrof-muhit va salomatlik” loyihasi
Qoraqalpog‘iston tibbiyot instituti va Koryo universiteti o‘rtasida 2022–2028 yillar uchun mo‘ljallangan “Atrof-muhit va salomatlik” loyihasi amalga oshirilmoqda. Loyiha qiymati 2,3 million AQSH dollarni tashkil etadi.
Loyihaning maqsadi — institutda ilmiy-amaliy va nazariy laboratoriya bazasini yaratish orqali ekologik salomatlik masalalari bo‘yicha ta’lim va tadqiqotlarni rivojlantirishdir.
Akademik mobillik va almashinuv
Loyiha doirasida akademik mobillik dasturlari yo‘lga qo‘yilgan: 2024 yilda Koreyadan 30 nafar delegat institutga tashrif buyurgan, 2025 yil 23–31 avgust kunlari esa institut professor-o‘qituvchilari delegatsiyasi Koreyaga amaliy tashrif amalga oshirdi. Bu safar ilmiy taqdimotlar, tajriba almashish va qo‘shma loyihalarni rivojlantirish imkonini berdi.
Nihoyat: Mazkur hamkorliklar institutimizga yangi bilim, zamonaviy texnologiyalar va xalqaro treninglar olib kelib, tibbiyot ta’limi hamda ilmiy tadqiqotlar sifatini yanada oshirishga xizmat qiladi.
