“Qalqon” toparları birge islesiwi – jaslar huqıqıy mádeniyatı jolında jańa basqısh
12.09.2025 Поделиться🗓 11-sentyabr kúni Berdaq atındaǵı Qaraqalpaq mámleketlik universiteti hám Qaraqalpaqstan medicina institutı arasında áhmiyetli qádem taslandı – student-jaslardı ruwxıy hám huqıqıy jaqtan qollap-quwatlaw maqsetinde “Qalqon” toparları birge islesiw memorandumına qol qoyıldı.
🤝 Ilajda profilaktika inspektorları, Jaslar awqamı jetekshileri hámde “Qalqon” toparları aǵzaları qatnasıp, jaslardı unamsız aǵımlardan qorǵaw, huqıqbuzarlıqlardıń aldın alıw hám óz-ara tájiriybe almasıw máseleleri dodalandı.
🔑 Memorandumnıń tiykarǵı maqseti:
• eki joqarı oqıw ornı “Qalqon” toparları arasında tıǵız birge islesiwdi jolǵa qoyıw;
• profilaktika hám huqıqıy úgit-násiyatlaw jumısların kúsheytiw;
• jaslar arasında salamat ortalıq hám sociallıq belsendilikti arttırıw.
📌 Ushırasıw juwmaǵında keleshekte turaqlı túrde qospa ilajlar, dógerek sáwbetleri hám aǵartıwshılıq ushırasıwların shólkemlestiriw boyınsha kelisimge erisildi.
✨ Bul birge islesiw tek ǵana “Qalqon” toparları ushın emes, al barlıq student-jaslar ushın huqıqıy mádeniyattı arttırıw hám birge islesiw kónlikpelerin qáliplestiriwde úlken áhmiyetke iye.







