Shomanay rayonında jaslar arasında stol tennisi jarısı ótkerildi
15.08.2025 Поделиться2025-jıl 14-avgust kúni Shomanay rayonı sport mektebi imaratında “Áhmiyetli 90 kún” joybarı sheńberinde Qaraqalpaqstan Medicina institutı baslaması menen jaslardıń bos waqtın mazmunlı ótkeriw maqsetinde stol tennisi boyınsha sport jarısı shólkemlestirildi.
Sport jaslardı fizikalıq jaqtan salamat, ruwxıy jetik hám jigerli etip tárbiyalawda áhmiyetli faktor esaplanadı. Jarıs dawamında jas sportshılar ózleriniń shaqqanlıǵı, epshilligi hám sheberligin kórsetip, teńlesleri menen óz-ara bellesti.
Jeńimpazlar shólkemlestiriwshiler tárepinen diplom hám estelik sawǵaları menen sıylıqlandı. Bunday sport jarısları jaslar arasında salamat turmıs tárizin úgit-násiyatlaw hám olardıń bos waqıtların mazmunlı shólkemlestiriwde úlken áhmiyetke iye esaplanadı.
©️Shomanay rayonı hákimligi Málimleme xızmeti
▪️ ✅Telegram 🌐 Instagram ✅ Facebook📹 YouTube



