Jańalıqlar

Qaraqalpaqstan medicina institutında jınayatshılıqqa qarsı úgit-násiyat ilajı bolıp ótti

21.07.2025

👁 3 marta ko‘rilgan

Búgin instituttıń úlken májilisler zalında “Áhmiyetli 90 kún” joybarı sheńberinde, jaslar arasında huqıqbuzarlıq hám jınayatshılıqtıń aldın alıwǵa baǵıshlanǵan áhmiyetli ilaj shólkemlestirildi.

Ilajdı Jaslar máseleleri boyınsha birinshi prorektor Z.Aleuov ashıp berdi. Onda Jınayat isleri boyınsha Nókis qalalıq sudınıń baslıǵı R.Nazarov, rektor másláhátshisi A.Allaniyazov, profilaktika inspektorı T.Qarlıbaeva, tyutorlar hám student-jaslar qatnastı.

Ilaj dawamında, jaslar arasındaǵı jınayatshılıq hám onıń erte aldın alıw, huqıqıy mádeniyat hám nızamlarǵa boysınıw, kiberqáwipsizlik hám sociallıq tarmaqlarda jınayatlar, náshebentlik, aldawshılıq hám ekstremizm sıyaqlı unamsız illetler haqqında tolıq túsinikler berildi.

Ilajda jaslardı salamat turmıs tárizine tartıw, sport sekciyalarına baǵdarlaw, bos waqıttı mazmunlı shólkemlestiriw zárúrligi atap ótildi.

Maqset – jaslardı qáwipli illetlerden saqlaw, huqıqbuzarlıqtı erte anıqlaw hám aldın alıw.

Huqıqbuzarlıqqa qarsı birgelikte gúresemiz!

PHP Code Snippets Powered By : XYZScripts.com