Ashıq sud – sergeklik, tártip-intizam hám juwapkershilik mektebi
22.07.2025 ПоделитьсяQaraqalpaqstan medicina institutında ashıq kóshpeli sud procesi shólkemlestirildi. Jınayat isleri boyınsha Nókis qalalıq sudıyası R.Nazarov basshılıǵında ótkerilgen bul sudta studentler S.A hám B.A tárepinen islengen huqıqbuzarlıq isi kórip shıǵıldı.
Olar tárepinen nızamsız diniy materiallardı telefon arqalı kóriw hám tarqatıw jaǵdayları anıqlanıp, Hákimshilik Kodekstiń 184²-statyasına tiykarlanıp nızamlı sharalar kórildi.
Ilaj dawamında tek ǵana QMIdan emes, al basqa da joqarı oqıw orınları studentleri tárepinen islengen huqıqbuzarlıqlar, sonday-aq, basqada puqaralardıń hákimshilik juwapkershilikli baylanıslı sud processleri kórip shıǵıldı.
Sudtıń tiykarǵı maqseti – jaslardı sergeklikke, nızamǵa húrmet, málimleme qáwipsizligi hám sociallıq tarmaqlardan durıs paydalanıwǵa shaqırıwdan ibarat boldı.
Sudya R.Nazarov: “Búgin jaslarǵa barlıq imkaniyatlar jaratılǵan. Biraq bul isenimdi aqlaw ushın hár bir jas óz waqtın bilimge, miynetke jumsawı kerek. Nızamsız háreketlerge biypárwa bolmań, huqıqbuzarlıqtı erte aldın alıw – óz keleshegińizdi saqlaw bolıp esaplanadı!”
Hár bir jastan sergeklik, juwapkershilik hám nızamǵa sadıqlıq talap etiledi.



