Jańalıqlar

QMIda ashıq-aydınlıq hám ádillik – rawajlanıw girewi temasında ashıq sáwbet!

11.07.2025

👁 2 marta ko‘rilgan

Qaraqalpaqstan medicina institutında gúzgi hám báhárgi semestr juwmaqları boyınsha studentler arasında korrupciyalıq jaǵdaylar hám dámegóylik boyınsha ótkerilgen sorawnama nátiyjeleri dodalandı.

🔍 Bul ashıqtan-ashıq sáwbetde instituttıń Korrupciya hám komplaens qadaǵalaw bólimi baslıǵı Q.Jamalov shıǵıp sóylep, anonim sorawnamalar tiykarında anıqlanǵan kemshilikler, olardı keltirip shıǵarıwshı faktorlar hám saplastırıw ilajları haqqında tolıq maǵlıwmat berdi.

✅ Sonday-aq, studentler tárepinen bildirilgen pikirler tiykarında:

• Kafedralardan anıqlanǵan qáte hám kemshiliklerdi talqılaw,

• Sabaqlıqlar fondın bayıtıw hám medicinaǵa tiyisli dereklerdi kóbeytiw,

• Studentler ushın qolaylı bilimlendiriw sharayatların jáne de jaqsılaw boyınsha anıq wazıypalar belgilep alındı.

Jańa oqıw jılı aldınan studentler menen instituttıń ishki tártip-qaǵıydaları, ádep-ikramlılıq kodeksi hámde korrupciyaǵa qarsı gúresiw boyınsha nızamshılıq tiykarları menen tolıq tanıstırıw wazıypası belgilendi.

➤ Ashıq sáwbette pidayı hám tájiriybeli professor-oqıtıwshılar qatnasıp, bilimlendiriw procesinde ashıq-aydınlıqtı támiyinlew hám studentlerdiń bilimin joqarılatıw boyınsha pikir-usınısların bildirdi.

📌 Esletpe:

Ózbekstan Respublikasınıń “Korrupciyaǵa qarsı gúresiw haqqında”ǵı Nızamı, Ministrler Kabinetiniń 2021-jıl 6-apreldegi 176-sanlı qararı hám Joqarı bilimlendiriw orınlarında komplaens-qadaǵalaw sistemasın engiziw boyınsha belgilengen normativlik-huqıqıy hújjetler tiykarında jumıs shólkemlestirilgen.

PHP Code Snippets Powered By : XYZScripts.com