ZAKOVAT QUIZ – Intellektual, bilim hám jetekshilik maydanı!
07.07.2025 Поделиться️ 🧠 Búgin, Qaraqalpaqstan medicina institutında #Dolzarb_90_kun ilajları sheńberinde studentler arasında aqılıy potencial hám bilimler sınaǵı – “ZAKOVAT QUIZ” intellektual oyını bolıp ótti.
🎯 Jarıstıń tiykarǵı maqseti – jaslardıń:
• intellektual potencialın júzege shıǵarıw,
• bilimge bolgan qızıǵıwshılıǵın arttırıw,
• izleniwsheńlik hám qábiletin qollap-quwatlaw,
• kitapqumarlıq mádeniyatın qáliplestiriw,
• salamat ilimiy-aǵartıwshılıq ortalıqtı bekkemlewden ibarat boldı.
📖 Qızǵın hám bilimli ortalıqta ótken bul intellektuallıq oyın studentlerge tek ǵana bilim emes, al topar bolıp islew, pikirlew, operativ qarar qabıl etiw kónlikpelerin de bekkemlew imkaniyatın berdi.
Jaslar arasında usınday ruwxıy hám aqılıy jarıslardı shólkemlestiriw – olardıń keleshekte bilimli hám shaxs sıpatında qáliplesiwine bekkem tiykar jaratadı.
️Intellektuallıq maydanda siziń de ornıńız bar! Bilimlerińizdi sınaw, doslarıńız benen komanda bolıp, qızıqlı faktler hám sorawlarǵa juwap tabıw – bul tek ǵana oyın emes, al ósiwdiń jolı!





