Qaraqalpaqstan medicina institutında pitkeriw keshesi! ✅
27.06.2025 ПоделитьсяBúgin, 27-iyun kúni Qaraqalpaqstan medicina institutı turmısında áhmiyetli hám jarqın waqıya 2025-jılǵı pitkeriw keshesi bolıp ótti!
Bul saltanatlı ilajda instituttıń Emlew, Pediatriya, Mediko-profilaktika hám Joqarı miyirbiykelik isi baǵdarları boyınsha bilim alǵan studentler hám ata-anaları hám jaqınları qatnastı.
➤ Institut rektorı O.A.Xalimov óz qutlıqlawında pitkeriwshi jas shıpakerlerdi Watan salamatlıǵın qorǵawday juwapkershilikli jolda pidayılıq, sadıqlıq hám bilim menen xızmet etiwge shaqırıp, olardıń búgingi jetiskenlikleri pútkil jámáát maqtanıshı ekenin ayrıqsha atap ótti.
Sonday-aq, ilajda qatnasıp atırǵan ata-analar hám jaqınlarına institutta ámelge asırılıp atırǵan jumıslar, oqıw procesi hám keleshektegi rejeler haqqında tolıq maǵlıwmatlar berildi. Usı jılı institutımızdı joqarıdaǵı baǵdarları boyınsha 200 den aslam pitkeriwshi tabıslı tamamlap, shıpakerlik kásibine sadıqlıq belgisi sıpatında saltanatlı ant qabıl etti.
Olar xalıq salamatlıǵı, medicina ilimin rawajlandırıw hám jámiyettiń abadanlıǵı jolında shın kewilden xızmet etiwge tayar ekenligin bildirdi.
️Barlıq pitkeriwshilerimizdi usı quwanıshlı, ómirlerindegi eń umıtılmas sáne menen shın júrekten qutlıqlaymız! Keleshektegi jumısıńızda, ilimiy izleniwlerińizde hám jeke ómirińizde úlken tabıslar hám jeńisler tileymiz!




