Qaraqalpaqstan medicina institutında hayal-qızlardı qorǵaw temasında seminar bolıp ótti
24.06.2025 ПоделитьсяBúgingi kúnde hayal-qızlardıń huqıqların támiyinlew, olardı kúsh kórsetiw hám zorlıqtan qorǵaw mámleketimiz siyasatınıń tiykarǵı baǵdarlarınan birine aylandı.
Usı múnásibet penen Qaraqalpaqstan medicina institutında “Hayal-qızlardı kúsh kórsetiw hám zorlıqtan qorǵaw haqqında”ǵı nızamnıń mazmun-mánisin túsindiriw maqsetinde texnik xızmetkerler ushın seminar shólkemlestirildi.
Seminarǵa institut rektorınıń hayal-qızlar máseleleri boyınsha másláhátshisi Z.Erimbetova hám profilaktika inspektorı T.Qarlıbaeva qatnasıp, nızamnıń áhmiyeti, onıń ámeliyatta qollanılıwı, zorlıq jaǵdayların saplastırıw hám olardıń aldın alıw boyınsha hár tárepleme túsinik berdi.
Ilajda qatnasıwshılar huqıqıy bilimlerin arttırıw menen birge, hár qıylı turmıslıq mısallar tiykarında zorlıqqa qarsı gúresiw usılları menen tanıstı.
🔹 Huqıqıy sana – turaqlı jámiet tiykarı!
🔹 Hayal-qızlardı qorǵaw – hár birimiz ushın juwapkershilik!





